تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

اداکارہ انجمن اور لکی علی کی شادی کا ڈراپ سین، شوہر نے طلاق کی تصدیق کردی

لاہور : پاکستان فلم انڈسٹری پر طویل عرصہ راج کرنے والی اداکارہ انجمن کی دوسری شادی دس ماہ بھی نہ چل سکی، ان کے شوہر لکی علی نے طلاق کی تصدیق کردی ہے۔

تفصیلات کے مطابق پاکستان کی معروف فلم اسٹار انجمن اور ان کے دوسرے شوہر لکی علی میں باقاعدہ علیحدگی ہو گئی ہے۔ اس بات کی انجمن کے خاوند سعید احمد المعروف لکی علی نے باقاعدہ وڈیو پیغام میں طلاق کی تصدیق کردی ہے۔

دوسری جانب فلم اسٹار انجمن نے آڈیو پیغام کے ذریعے اپنی طلاق کی تصدیق کرتے ہوئے کہا ہے کہ ہم نے بہت کوشش کی لیکن یہ رشتہ مزید آگے نہیں بڑھ سکتا، اس لیے ہم دونوں نے باہمی رضامندی کے ساتھ قانونی تقاضے پورے کرتے ہوئے اپنے راستے جدا کر لیے ہیں۔

اس حوالے سے ذرائع کا کہنا ہے کہ دونوں میاں بیوی کے درمیان کافی دنوں سے اختلافات چل رہے تھے جو آج اپنے منطقی انجام کو پہنچ گئے۔

مزید پڑھیں : اداکارہ انجمن نے طلاق کی خبروں پر خاموشی توڑ دی

یاد رہے کہ ماضی کی نامور اداکارہ انجمن نے دس ماہ قبل فلم ساز میاں وسیم المعروف لکی علی سے دوسری شادی کی تھی لیکن چند ماہ بعد ہی دونوں میں اختلافات شروع ہوگئے تھے۔

 مشترکہ دوستوں نے صلح کروائی لیکن اداکارہ نے ان خبروں کی تردید کرتے ہوئے کہا تھا کہ وہ اپنے شوہر کے ہمراہ رواں ہفتے عمرے کی ادائیگی کے لیے جارہی ہیں۔

انہوں نے یہ بھی کہا کہ اللہ جھوٹی خبریں پھیلانے والوں کو ہدایت دے اور اب دس ماہ بعد ان کے میاں وسیم لکی علی نے باقاعدہ خود علیحدگی کی تصدیق کردی ہے۔

Comments

- Advertisement -