کراچی : شہر قائد میں ایڈینو وائرس کے پھیلاؤ میں تیزی آگئی ، وائرس میں عموماً کھانسی،زکام اور بخارکی کیفیت دیکھی جاتی ہے۔
تفصیلات کے مطابق کراچی میں موسم کی تبدیلی کے ساتھ ہی وائرل انفیکشن کا تیزی سے پھیلاؤ جاری ہے۔
رجسٹرار جناح اسپتال ڈاکٹرہالارشیخ کی جانب سے کہا گیا کہ ایڈینو وائرس کاپھیلاؤ بڑھ رہاہے، وائرس میں عموماً کھانسی،زکام اور بخارکی کیفیت دیکھی جاتی ہے۔
ڈاکٹرہالار کا کہنا تھا کہ وائرس سے متاثرہ شخص 2سے3 دن مکمل آرام کرے، تازہ پھل اور تازہ جوس کااستعمال زیادہ کیا جائے۔
رجسٹرار جناح اسپتال نے خبردار کیا کہ دمہ،شوگرکےمریض اوربزرگوں میں ایڈینووائرس خطرناک شکل اختیارکرسکتاہے۔
انھوں ںے مشورہ دیا کہ ایسے موسم میں باہر کے کھانوں سے مکمل اجتناب کیا جائے اور ایک دوسرے سے ہاتھ ملانے سے گریز کیا جائے۔
انور خان اے آر وائی نیوز کراچی کے لیے صحت، تعلیم اور شہری مسائل پر مبنی خبریں دیتے ہیں