اسلام آباد: اے آر وائی کے سینئر وائس پریذیڈنٹ عماد یوسف پر عائد سنگین دفعات پر ایسوسی ایشن آف الیکٹرانک میڈیا ایڈیٹرزاینڈ نیوز ڈائریکٹرز (ایمنڈ) نے تشویش کا اظہار کیا ہے۔
ایمںڈ کی جانب سے جاری اعلامیہ میں کہا گیا کہ اے آر وائی کے سینئر وائس پریذیڈنٹ عماد یوسف پرسنگین دفعات پرتشویش ہے اور ان پر عائد سنگین دفعات ناقابل برداشت ہیں۔
ایمنڈ اعلامیہ میں کہا گیا کہ کسی رہنما کےبیان پر چینل سے وابستہ افراد کیخلاف مقدمے ہونا سوالیہ نشان ہے اور مقدمےمیں عمرقید یا سزائے موت کی دفعہ شامل کرنا فاشزم ہے۔
ایمنڈ اعلامیہ میں کہا گیا کہ قانون سے کوئی بالاتر نہیں، مگر قانون کی آڑ میں غیرقانونی ہتھکنڈے بدنیتی کامظہرہے،ایسےہتھکنڈے آزادی اظہار رائےسلب کرنے اور زباں بندی کی کوشش ہیں۔
یہ بھی پڑھیں: عماد یوسف عدالت میں اپنا مؤقف پیش کریں، دفعات عدالت ختم کرسکتی ہے، رانا ثنااللہ
ایسوسی ایشن آف الیکٹرانک میڈیا ایڈیٹرزاینڈ نیوز ڈائریکٹرز (ایمنڈ) نے مطالبہ کیا کہ عماد یوسف کو تحقیقات میں شامل ہونے کا پورا موقع دیاجائے،مقدمے کی تحقیقات پر صحافی تنظیموں کو اعتماد میں لیا جائے۔
ایمنڈ نے عماد یوسف کے معاملے پر دیگر صحافی تنظیموں کے شانہ بشانہ چلنے کے عزم کا اظہار کرتے ہوئے کہا کہ مقدمے میں قانون کا غلط استعمال ثابت ہونے پر ذمہ دار ان کیخلاف کارروائی کی جائے۔
