ہرات : افغانستان میں ایک بار پھر خوفناک زلزلہ آیا ، زلزلے کےباعث 100 سے زائد افراد کے زخمی ہونے کی اطلاعات ہیں۔
تفصیلات کے مطابق افغانستان میں ایک بارپھر خوفناک زلزلے سے لرز اٹھا ، امریکی جیولوجیکل سروے کی جانب سے کہا گیا ہے کہ زلزلے کی شدت 6.3 ریکارڈ کی گئی۔
افغان حکام کا کہنا ہے کہ زلزلہ مقامی وقت کے مطابق 05:10 (00:40 GMT) پر افغان شہر ہرات کے شمالی علاقے میں آیا، زلزلے کے باعث 100 سے زائد زخمی ہوئے، جنہیں ہسپتال منتقل کردیا گیا ہے۔
یاد رہے 4 روز قبل بھی افغانستان میں 6.3 شدت کا زلزلہ آیا تھا ، ہرات میں آّنے والے ہولناک زلزلے سے اموات کی تعداد چار ہزار ہوگئی ہے جبکہ ہزاروں زخمی اسپتالوں میں زیرِ علاج ہیں۔
زلزلے کے باعث بیس دیہات صفحہ ہستی سے مٹ گئے، دو ہزارمکانات منہدم ہوئے اور بڑی تعداد میں لوگ بے گھر ہوئے ہیں۔
طالبان حکومت کے مطابق ایک ہزارسے زائد اہلکاروں پر مشتمل پینتیس ریسکیو ٹیمیں امدادی سرگرمیوں میں مصروف ہیں۔
