The news is by your side.

Advertisement

”اب پیٹرول میں کھانا پکانے کا وقت آگیا“

پاکستانی ڈرامہ اور فلم انڈسٹری کے معروف اداکار احمد علی بٹ بھی حکومت کی جانب سے تیل اور گھی کی قیمتوں میں اضافے کے خلاف بول پڑے۔

فوٹو اینڈ ویڈیو شیئرنگ ایپلی کیشن انسٹا گرام پر احمد علی بٹ نے اسٹوری کے ذریعے کوکنگ آئل کی قیمت میں 213 روپے اضافے کی خبر شیئر کر دی۔

اداکار نے حکومتی فیصلے پر طنز کرتے ہوئے لکھا کہ ”اب پیٹرول میں کھانا پکانے کا وقت آ پہنچا ہے۔“

مزید پڑھیں: ”رمضان ٹرانسمیشن کے بجائے جعلی خبروں پر پابندی لگائی جائے“

خیال رہے کہ گزشتہ روز وفاقی حکومت نے ملک بھر میں یوٹیلٹی اسٹورز پر گھی اور کوکنگ آئل کی قیمتوں میں اضافہ کر دیا۔

جاری کردہ نوٹی فکیشن کے مطابق یوٹیلٹی اسٹورز پر ایک کلو گھی کی قیمت میں 208 روپے تک اضافہ  کیا گیا ہے جس کے بعد مختلف برانڈز کے گھی کی فی کلو قیمت 555 روپے تک ہوگئی ہے۔

کوکنگ آئل کی فی لیٹر قیمت میں 213 روپے تک کا اضافہ کردیا گیا ہے جس کے بعد آئل کی فی لیٹر قیمت 605 روپے تک پہنچ گئی ہے۔

Comments

یہ بھی پڑھیں