The news is by your side.

Advertisement

ٹائیگر فورس کنونشن، احسن اقبال نے راہ فرار اختیار کرلی، تلاش گمشدگی کا اشتہار جاری

نارووال: وزیراعظم کے معاونِ خصوصی برائے امورِ نوجوانان  نے سابق وفاقی وزیر داخلہ اور مسلم لیگ ن کے رہنما کا اشتہار برائے تلاش گمشدہ جاری کردیا۔

اے آر وائی نیوز کے مطابق مسلم لیگ ن کے رہنما اور رکن قومی اسمبلی احسن اقبال کے حلقے نارروال میں ٹائیگر فورس کے حوالے سے کنونشن کا انعقاد کیا جس میں لیگی رہنما کو شرکت کی دعوت بھی دی گئی۔

احسن اقبال سرکاری دعوت نامہ موصول ہونے کے باوجود بھی کنونشن میں شرکت کے لیے نہ پہنچ سکے جس پر معاونِ خصوصی برائے امور نوجوانان عثمان ڈار نے سماجی رابطے کی ویب سائٹ پر احسن اقبال کا اشتہار برائے گمشدگی جاری کیا۔

مزید پڑھیں: مسلم لیگ ن کے رہنما احسن اقبال کو ٹائیگر فورس کنونشن میں شرکت کی دعوت

اپنے ٹویٹ میں عثمان ڈار نے لکھا کہ ’نارووال کی مشہور سیاسی شخصیت المعروف ارسطو اپنےحلقےسےغائب ہیں، کہا کرتے تھے کہاں ہےٹائیگر فورس؟ کہاں ہیں نوجوان؟، اب وہ آکر دیکھ لیں کہ آج ان کے ہوم گراؤنڈمیں ٹائیگر فورس کا سب سے بڑا کنونشن ہورہا ہے‘۔

عثمان ڈار نے لکھا کہ ’سرکاری دعوت نامےکے باوجود موصوف منظر عام سےغائب ہیں، احسن اقبال صاحب کوئی شرم کوئی حیا؟

یاد رہے کہ ڈپٹی کمشنر نارووال نے مسلم لیگ ن کے رہنما احسن اقبال کو ٹائیگر فورس کنونشن میں شرکت کی دعوت دی تھی، عثمان ڈار نے کہا تھا کہ ہم چاہتے ہیں کہ احسن اقبال آئیں اور نوجوانوں کا جوش و جذبہ اپنی آنکھوں سے خود دیکھ لیں۔

Comments

یہ بھی پڑھیں