معروف پاکستانی گلوکارہ آئمہ بیگ کی نئی تصاویر سوشل میڈیا پر وائرل ہوگئیں۔
گلوکارہ آئمہ بیگ نے فوٹو اور ویڈیو شیئرنگ ایپ انسٹاگرام پر اپنی نئی تصاویر شیئر کیں، تصاویر میں گلوکارہ کو خوشگوار موڈ میں دیکھا جاسکتا ہے۔
آئمہ کی تصاویر کو اداکارہ حمیمہ ملک نے بھی پسند کیا اور کیپشن میں لکھا کہ ’میری گڑیا۔‘ گلوکارہ مومنہ مستحسن نے بھی گلوکارہ کی تصاویر پر پسندیدگی کا اظہار کیا۔
آئمہ بیگ نے چند گھنٹوں قبل یہ تصاویر شیئر کیں جسے اب تک لاکھوں صارفین دیکھ چکے ہیں اور تصاویر کو خوب سراہا بھی رہے ہیں۔
واضح رہے کہ رواں سال 20 مارچ کو آئمہ بیگ اور شہباز شگری نے منگنی کی تھی۔
آئمہ بیگ نے اپنی پوسٹ میں شہباز شگری کو ٹیگ کیا تھا، گلوکارہ ہاتھ میں ہیرے کی انگوٹھی پہنی ہوئی تھی، شہباز شگری نے لکھا تھا کہ میں آپ سے پیار کرتا ہوں اور آپ کو اندازہ نہیں ہوگا کہ یہ کتنا اہم ہے۔
آئمہ بیگ اور شہباز شگری سے صحافی نے سوال کیا تھا کہ آپ دونوں شادی کب کررہے ہیں؟ دونوں نے جواب دیتے ہوئے کہا کہ انشا اللہ رواں سال کے آخر تک ہم شادی کرلیں گے۔
