بیروت: جنوبی لبنان میں اسرائیلی بمباری کے نتیجے میں 10افراد کی شہادت کے بعد حزب اللہ نے اسرائیل کو واضح پیغام دیتے ہوئے کہا کہ اسرائیل کو اس ظلم کی قیمت ادا کرنا ہوگی۔
بین الاقوامی خبر رساں ادارے کی رپورٹ کے مطابق حزب اللہ کے سیاستدان حسن فضل اللہ کا کہنا ہے کہ دشمن کو ان جرائم کی قیمت ادا کرنی پڑے گی۔
یاد رہے کہ جنوبی لبنان پر کئے گئے فضائی حملوں کے نتیجے میں 10شہری جاں بحق ہوگئے تھے، یہ حملہ گزشتہ 4 ماہ کے دوران کئے گئے حملوں میں زیادہ خطرناک تھا۔
لبنان کے اسرائیلی فوجی کو قتل کرنے کے چند گھنٹوں بعد ہی اسرائیل کی جانب سے جنوبی لبنان کے ایک گاؤں اور شہر نبطیہ پر حملہ کیا گیا۔
اسرائیلی بمباری کے باعث عمارت کا کچھ حصہ گرنے سے بچوں سمیت ایک ہی خاندان کے7 افراد شہید ہوگئے۔
اسرائیل کا جنوبی لبنان پر فضائی حملہ، 10 شہری لقمہ اجل بن گئے
سرکاری نیوز ایجنسی کے مطابق ابتدائی طور پر لاپتہ ہونے کی اطلاع ملنے والا لڑکا ملبے کے اندر سے زندہ نکال لیا گیا ہے جب کہ گاؤں پر ہونے والے اسرائیلی حملے کے باعث دو بچوں سمیت ایک خاتون زندگی کی بازی ہار گئی۔
