واشنگٹن : پاکستانی سفیر اعزازاحمد چوہدری کا کہنا ہےکہ افغانستان میں امن پاکستان کی اولین ترجیح ہےتاکہ دہشت گردی کےخلاف جنگ میں حاصل کی گئی کامیابیوں کو برقراررکھاجاسکے۔
تفصیلات کےمطابق امریکہ میں پاکستانی سفیر اعزازچوہدری نے امریکی قومی سلامتی کےمشیرلیفٹیننٹ جنرل مک ماسٹر سے ملاقات کی۔
اس موقع پر پاکستانی سفیر اعزاز چوہدری نے کہاکہ افغانستان میں امن سے ہی دہشت گردی کے خلاف جنگ کےثمرات سامنے آئیں گے۔
پاکستانی سفیر نےمشیرلیفٹیننٹ جنرل مک ماسٹرکو ملاقات کےدوران افغانستان میں قیام امن اور سرحدی استحکام کے امور سے متعلق آگاہ کیا۔
انہوں نے قومی سلامتی کےمشیرکودونوں ملکوں کےدرمیان اقتصادی تعاون کےامکانات اورپاکستان میں اقتصادی بحالی کے بعد سرمایہ کاری کےپرکشش مواقع کے بارے میں بھی بتایا۔
امریکی قومی سلامتی کےمشیر نے دہشت گردی کے خلاف پاکستان کی قربانیوں کا اعتراف کیااورخطےمیں امن واستحکام کےلیے تعاون جاری رکھنے پر بھی زور دیا ہے۔
وزیراعظم نوازشریف سے امریکی قومی سلامتی کے مشیر کی ملاقات
یاد رہےکہ گزشتہ ماہ اسلام آباد میں وزیراعظم نوازشریف کی امریکی قومی سلامتی کےمشیر ایچ آرمک ماسٹر سے ملاقات ہوئی تھی۔ملاقات میں پاک امریکہ تعلقات اور خطے کی صورت حال پرگفتگو کی گئی تھی۔
چمن : افغان فورسز کی گولہ باری و فائرنگ،10 شہری شہید، 45زخمی
واضح رہے کہ گزشتہ روز چمن کےگاؤں کلی لقمان،کلی جہانگیر میں افغان فورسز نے مردم شماری کی ٹیم پر فائرنگ اور گولہ باری کی، جس کے نتیجے میں 10افراد شہید اور 45زخمی ہوگئے تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
