The news is by your side.

Advertisement

تحریک انصاف کے حقیقی آزادی مارچ سے قبل اسلام آباد پولیس میں اکھاڑ پچھاڑ، آئی جی تبدیل

اسلام آباد : تحریک انصاف کے حقیقی آزادی مارچ سے قبل آئی جی اسلام آباد حسن یونس کو تبدیل کرکے اکبر ناصر خان کو نیا آئی جی اسلام آباد تعینات کردیا گیا۔

تفصیلات کے مطابق تحریک انصاف کے حقیقی آزادی مارچ سے قبل حکومت نے اسلام آباد پولیس میں اکھاڑ بچھاڑ کرتے ہوئے آئی جی اسلام آباد احسن یونس کو عہدے سے ہٹادیا اور اکبر ناصر خان کو نیا آئی جی اسلام آباد تعینات کردیا گیا۔

ایس ایس پی آپریشنز محمد فیصل کو بھی عہدے سے ہٹا دیا گیا اور گریڈ 19 کے سہیل ظفرچٹھہ کو وفاقی پولیس میں تعینات کردیا۔

ایس ایس پی یاسرآفریدی کو خیبر پختوںخواہ سے وفاقی پولیس میں تعینات کردیا گیا۔

خیال رہے گذشتہ روز پاکستان تحریک انصاف کے سربراہ اور سابق وزیر اعظم عمران خان نے کہا تھا کہ پشاور میں کور کمیٹی کا اجلاس طلب کرلیا ہے، اسلام آباد مارچ کی حتمی تاریخ کا اعلان پرسوں کیا جائے گا تاہم یہ مارچ 25 سے 29 مئی کے درمیان ہوگا۔

عمران خان کا کہنا تھا کہ حقیقی آزادی مارچ میں صرف ایک ہی مطالبہ ہوگا کہ اسمبلی تحلیل اور فوری الیکشن کرائے جائیں۔

Comments

یہ بھی پڑھیں