ممبئی: بھارتی بالی ووڈ ادکار اکشے کمار کے گھر کی تصاویر منظر عام پر آنے کے بعد اُن کے مداح شاہانہ طرز زندگی پر حیران رہ گئے۔
معمولی نوکری سے شوبز کا سفر شروع کرنے والے اداکار اکشے کمار نے انتھک محنت کے بعد اپنی اداکاری سے مداحوں کے دلوں میں ایسی جگہ بنائی کہ اب اُن کا شمار فلم نگری کے مہنگے ترین ٹاپ ٹین اداکاروں میں ہونے گا۔
بھارتی اداکار نے اپنا شوبز کا سفر 1991 سے شروع کیا اور اس میں کامیابی حاصل کرتے ہوئے انڈسٹری میں اپنی جگہ بنائی۔ فلمی دنیا میں کوئی نہیں جانتا تھا کہ معمولی سی نوکری کرنے والا لڑکا مستقبل میں بھارت کے کامیاب ترین اداکاروں میں شمار ہونے لگے گا۔
رواں سال اکشے کمار کی تین فلموں نے باکس آفس پر 100 کروڑ سے زائد کمائی کی۔ اداکار کی شاہانہ طرز زندگی کی تصاویر منظر عام پر آنے کے بعد اُن کے مداح سمیت دیگر افراد بھی اس پر حیران ہیں۔
یاد رہے اکشے کمار نے ساتھی اداکار ٹائنکل کھنہ سے شادی کرلی تھی جس کے بعد دونوں اداکار خوشگوار زندگی گزار رہے ہیں۔
بعد ازاں اُن کی زوجہ نے فلم انڈسٹری سے کنارہ کشی اختیار کر کے اپنے آپ کو صرف لکھنے لکھانے تک محدود کرلیا ہے۔
بھارتی میگزین میں اکشے کمار کے گھر کی تصاویر شائع کی گئی جس میں آسائشوں اور شاہانہ زندگی کو دکھایا گیا ہے۔ اداکار کے گھر کی تصاویر منظر عام پر آنے کے بعد سماجی رابطوں کی ویب سائٹ پر ایک نئی بحث کا آغاز ہوگیا ہے۔
