پاکستان کے مشہور گلوکار علی عظمت نے اپنے مشہور گانے ’’ہے جذبہ جنون‘‘ کے حوالے سے بڑا انکشاف کیا ہے۔
گلوکار علی عظمت نے سابق کرکٹر شعیب اختر کے پروگرام میں بطور مہمان شرکت کی جہاں انہوں نے میوزک انڈسٹری سمیت اپنے مختلف گانوں کے حوالے سے گفتگو کی۔
اسی دوران گلوکار علی عظمت نے بتایا کہ ہماری چھوٹی سی میوزک انڈسٹری ہے، ہمیں پیچھے سے کوئی بڑی مشین نہیں چلا رہی، گھروں میں بیٹھ کر میوزک بنانے والے لوگ ہے۔
علی عظمت کا کہنا تھا کہ میرے مشہور گانے جیسے کہ ’سیونی‘ اور ’ہے جذبہ جنون‘ ہم نے باتھ روم میں ریکارڈ کروائے ہیں۔
اس حوالے سے بات کرتے ہوئے علی عظمت نے انکشاف کیا کہ ہمارے پاس کراچی کے علاقے طارق روڈ پر ایک چھوٹا سا اسٹوڈیو تھا جو کافی گندا بھی تھا۔
گلوکار نے مزید بتایا کہ ’’مجھے کہا گیا آپ باتھ روم میں جا کر گانا ریکارڈٖ کروا دیں، اس باتھ روم کی دیواروں پر گتے لگے ہوئے تھے اور سانس نہیں آتا تھا، ہم نے گانا وہاں ریکارڈ کیا اور وہ گانا اتنا مشہور ہوگیا‘‘۔
