لاہور : پی ٹی آئی کارکن علی بلال کے والد لیاقت علی نے دعویٰ کیا ہے کہ علی بلال کے سر پر 27 فریکچر ہیں۔
تفصیلات کے مطابق پی ٹی آئی کارکن علی بلال عرف ظل شاہ کی میت اہلخانہ کے حوالے کردی گئی۔
پی ٹی آئی کارکن علی بلال کے والد لیاقت علی نے دعویٰ کیا ہے کہ علی بلال کے سر پر 27 فریکچر ہیں۔
لیاقت علی نے بتایا بیٹے کےپورے جسم پر ڈنڈوں اور تشدد کے نشانات ہیں۔
یاد رہے پی ٹی آئی کے کارکن علی بلال کی مبینہ پولیس حراست میں ہلاکت کیخلاف تھانہ ریس کورس میں درخواست جمع کرادی گئی ہے۔
درخواست مقتول کے والد لیاقت علی کی مدعیت میں میں جمع کرائی گئی ، جس میں نگراں وزیراعلیٰ پنجاب محسن نقوی ، راناثنا اور سی سی پی او لاہور کو نامزد کیا گیا ہے۔
اس سے قبل پی ٹی آئی کارکن علی بلال عرف ظل شاہ کی ہلاکت کا مقدمہ پولیس نے والد کے بجائے اپنی مدعیت میں درج کرلیا تھا۔
گذشتہ روز پی ٹی آئی کی ریلی پر پولیس کی شیلنگ اور تشدد سے ایک کارکن جاں بحق ہوگیا تھا۔
رہنما پی ٹی آئی اور سابق ترجمان پنجاب حکومت مسرت جمشید چیمہ نے کارکن کے جاں بحق ہونے کی تصدیق کرتے ہوئے بتایا تھا کہ پولیس گردی سے ایک کارکن علی بلال شہید ہوا ہے۔
انہوں نے بتایا تھا کہ علی بلال کو آنسو گیس کا شیل لگا جبکہ پولیس نے اس پربدترین تشدد بھی کیا۔
