معروف اداکار علی رحمان خان نے اداکار یاسر حسین کو بہتر اداکار قرار دیا ہے۔
اداکار اور میزبان فہد مصطفیٰ کی پروگرام ‘ڈی فورتھ امپائر’ میں اداکار علی رحمان نے شرکت کی، جہاں میزبان نے ان سے سوال کیا۔
اے آر وائی ڈیجیٹل شو کے میزبان فہد مصطفیٰ نے اداکار علی رحمان سے سوال کیا کہ’ ان میں سے کونسے اداکار تم سے بہتر ہے‘ جس پر اداکار نے کہا کہ یاسر حسین مجھ سے اچھے اداکار ہیں۔
اب تک شادی نہیں کرنے کے سوال پر اداکار علی رحمان کا کہنا تھا کہ اب تک کوئی ملی نہیں اس لیے شادی نہیں کی، جس پر میزبان نے کہا کہ لڑکیا دیکھ رہی ہیں تو ان سے مل لیں انہوں نے اب تک شادی نہیں کی ہے۔
اسلام آباد میں پیدا ہونے والے علی رحمان خان نے اداکاری کا آغاز 2012 کے مزاحیہ ڈرامے گول چکر سے کیا، اس کے بعد رومانوی ڈرامہ سیریل رشتے کچھ ادھورے سے میں اداکاری کی، جس سے انھیں شہرت ملی۔
علی رحمان خان کو محبت اب نہیں ہوگی (2014) اور دیارِ دل (2015) میں اداکاری کے حوالے سے آج بھی جانا جاتا ہے۔ انہوں نے فلموں میں بھی اداکاری کی ہے جن میں جانان (2016)، پرچی (2018) اور ہیر مان جا (2019) شامل ہیں۔
