معروف گلوکار علی ظفر نے کرکٹ ورلڈ کپ کے اپنے ترانے کا نام بتادیا۔
آئی سی سی نے گزشتہ دنوں کرکٹ ورلڈ کپ کا آفیشل ترانہ ریلیز کیا تھا جسے مداحوں کی جانب سے تنقید کا نشانہ بنایا گیا تھا اور گلوکار علی ظفر سے ورلڈ کپ ترانے کی فرمائش کی گئی تھی جس کے بعد گلوکار نے شائقین کی فرمائش پر نیا ترانہ بنانے کا اعلان کیا تھا۔
علی ظفر نے گزشتہ روز اپنے پیغام میں کہا کہ ’انہیں گانے کے نام سے متعلق آمد ہوئی ہے اور ورلڈ کپ ترانے کا نام ہوگا ’مزہ آیا۔‘
مذکورہ پیغام میں انہوں نے اپنے دوست و پروڈیوسر علی مصطفیٰ سے ہونے والی گفتگو کا اسکرین شاٹ شیئر کیا اور انہیں ٹیگ کرتے ہوئے بتایا کہ ان کے ساتھ کام کا آغاز کر دیا ہے، یہ پی ایس ایل کے گانے ’اب کھیل جمے گا‘ میں بھی میرے ساتھ تھے۔
OK guys! A good news regarding the World Cup anthem ! Flight mein aik “aamad” huee hai.
Kaam start ho gaya hai. Anthem ka title aik dum se aaya….“MAZA AAYA!”
Work started with my dear friend, co arranger/producer @djalimustafa who also worked with me on “Ab Khel Jame Ga”.… https://t.co/38Q8eMDZmU pic.twitter.com/AOTfnSEVlW
— Ali Zafar (@AliZafarsays) September 26, 2023
گلوکار نے کہا ہے کہ اب مجھے اچھے گرافکس اور مناظر کی ضرورت ہے، اس میں شائقینِ کرکٹ اپنا حصہ ڈالتے ہوئے مختلف گرافکس اور مناظر مجھے بھیج سکتے ہیں۔
انہوں نے کہا کہ اس کے لیے آپ آر ٹیفیشل انٹیلیجنس (اے آئی) کی مدد لے سکتے ہیں، بس شرط ہے کہ یہ تمام مناظر اور گرافکس جدید اور منفرد ہوں۔
واضح رہے کہ گلوکار علی ظفر اس سے قبل پی ایس ایل کا ترانا ’اب کھیل جمے گا‘ گا چکے ہیں جسے شائقین کرکٹ کی جانب سے خوب سراہا گیا تھا۔