The news is by your side.

‘اب زرداری مافیا کے خلاف دما دم مست قلندر ہوگا’

کراچی: صدر پی ٹی آئی سندھ و وفاقی وزیر علی زیدی نے سندھ بلدیاتی ترمیمی بل کے خلاف احتجاج کا اعلان کردیا ہے۔

تفصیلات کے مطابق اپنے ویڈیو پیغام میں وفاقی وزیر علی زیدی نے کہا کہ متحدہ اپوزیشن سندھ بلدیاتی ترمیمی بل جیسے کالے قانون کیخلاف کل مظاہرے میں بھرپور حصہ لےگی، انہوں نے اہلیان کراچی کو بھی اس احتجاج میں شرکت کی اپیل کی ہے، احتجاجی مظاہرےمیں ایک بڑا اعلان کرنے جارہے ہیں۔

علی زیدی نے کہا کہ کل کے تاریخی احتجاج میں کراچی کے شہری بتا دیں گے ہم اس کالے قانون کو نہیں مانتے، ہم بد دیانتی پر مبنی اس قانون کیخلاف عدالت سے بھی رجوع کرینگے، ہم کالے قانون کو ہر صورت ختم کر کے رہیں گے۔

یہ بھی پڑھیں:جماعت اسلامی نے شاہراہِ فیصل بلاک کرنے کا اعلان کر دیا

صدر پی ٹی آئی سندھ علی زیدی نے اپنے ویڈیو پیغام میں پیپلز پارٹی کو آڑے ہاتھوں لیتے ہوئے کہا کہ 14سال سے سندھ پر ایک مافیا قابض ہے، جمہوریت کےعلمبرداربننے والوں نے جمہوریت پر ڈاکا ڈالا ہے، پیپلز پارٹی کوئی سیاسی جماعت نہیں بلکہ آصف زرداری کا مافیا ہے، جو کام صوبائی حکومت کے تھے وہ بھی وفاقی حکومت نےپورےکئے ہیں۔

واضح رہے کہ کل متحدہ قومی موومنٹ پاکستان کی جانب سے سندھ بلدیاتی ترمیمی بل کیخلاف پریس کلب کے باہر احتجاجی مظاہرہ ہوگا جبکہ جماعمت اسلامی گذشتہ 15 روز سے سندھ اسمبلی کے باہر مجوزہ بل کے خلاف دھرنا دئیے بیٹھی ہے۔

 

Comments

یہ بھی پڑھیں