The news is by your side.

Advertisement

علی زیدی کے گھر پولیس کا چھاپہ، پی ٹی آئی رہنما برہم

کراچی: پولیس کی جانب سے پاکستان تحریک انصاف( پی ٹی آئی) سندھ کے صدر و سابق وفاقی وزیر علی زیدی کی رہائش گاہ پر چھاپہ مارا گیا۔

یہ بات انہوں نے سماجی رابطے کی ویب سائٹ ٹوئٹر پر گزشتہ رات اپنے جاری کردہ پیغام میں بتائی، انہوں نے کہا کہ اس وقت میری بیوی اور بچے گھر میں اکیلے تھے۔

اگر کسی نے میرے گھر میں داخل ہونے کی کوشش بھی کی تو زرداری اور اس کے بیٹے کا دنیا کے آخری کونے تک پیچھا کروں گا۔

علی زیدی کے مطابق وہ گزشتہ رات نمائش چورنگی پر ہونے والے احتجاجی دھرنے میں موجود تھے کہ 5 پولیس موبائل اور دو کرولا کاروں نے ان کے گھر کا گھیراؤ کیا۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں صدر پی ٹی آئی سندھ علی زیدی نے لکھا کہ میری بیوی اور بچے گھر میں اکیلے ہیں، اگر کسی نے گھر میں داخل ہونے کی کوشش کی تو زرداری اور اس کے بیٹے کا دنیا کے آخری کونے تک پیچھا کروں گا۔

Comments

یہ بھی پڑھیں