بالی ووڈ اداکارہ عالیہ بھٹ نے انسٹاگرام پر بیٹی راہا کی تمام تصاویر ڈیلیٹ کردیں۔
بھارتی میڈیا رپورٹ کے مطابق بالی ووڈ جوڑی عالیہ بھٹ اور رنبیر کپور چھوٹی بیٹی راہا کی پرائیویسی کو ترجیح دے رہے ہیں اور راہا کو میڈیا کی نظروں سے دور رکھنا چاہتے ہیں۔
اداکارہ نے انسٹاگرام سے راہا کی تمام تصاویر ہٹا دیں جہاں ان کا چہرہ نظر آرہا تھا۔
عالیہ بھٹ کے انسٹاگرام اکاؤنٹ کو دیکھیں تو راہا کی کوئی تصویر واضح نہیں ہے، یہاں تک کہ ان کے جام نگر کے حالیہ سفر اور پیرس میں خاندان کی چھٹیوں کی تصاویر بھی ہٹا دی گئی ہیں۔
واضح رہے کہ حال ہی میں رنبیر کی والدہ نیتو کپور نے بھی پاپا رازی سے درخواست کی تھی کہ وہ رانا کی تصاویر نہ بنائیں۔
اسی طرح کرینہ کپور خان نے پہلے فوٹوگرافرز سے کہا تھا کہ وہ اپنے والد رندھیر کپور کی سالگرہ کی تقریب کے دوران اپنے دو بچوں تیمور اور جیہ کی تصاویر نہ لیں۔
یاد رہے کہ عالیہ اور رنبیر نے اپریل 2022 میں شادی کی ان کی بیٹی راہا نومبر 2022 میں پیدا ہوئیں۔
کرسمس 2023 پر رنبیر اور عالیہ نے راہا کے ساتھ منظر عام پر آکر مداحوں کو حیران کردیا تھا، اداکار جوڑی اگلی سنجے لیلا بھنسالی کی فلم میں نظر آئے گی۔
