قومی کرکٹ ٹیم کے آل راؤنڈرفہیم اشرف عمرہ کی ادائیگی کیلئے روانہ ہوگئے۔
نیوزی لینڈ کے خلاف ہوم سیریز سے قبل ملنے والے بریک کے دوران رمضان المبارک کی بابرکت سعاتوں میں قومی کھلاڑی عمرہ کی سعادت حاصل کر رہے ہیں۔
کپتان بابراعظم اور حارث رؤف عمرہ ادائیگی کے لیے سعودی عرب میں موجود ہیں جب کہ آل راؤنڈر فہیم اشرف آج روانہ ہوئے ہیں۔
- Advertisement -
بابر اعظم اور حارث رؤف نے سماجی رابطے کی ویب سائٹ ٹوئٹر پر اپنی تصاویر شیئر کی ہیں، بابر اعظم نے مسجد نبوی سے اور حارث رؤف نے مسجد الحرام سے تصاویر شیئر کیں۔
کپتان بابر اعظم نے مسجد نبوی ﷺکے احاطے میں کھڑے ہوکر تصویر بنوائی جس کے پس منظر میں گنبد خضریٰ کا روح پرور منظر دکھائی دے رہا ہے۔ صارفین سوشل میڈیا پر اسے بہت پسند کررہے ہیں۔