کراچی: قومی ٹیم کے آل راؤنڈر اور پی ایس ایل میں کراچی کنگز کے کپتان عماد وسیم کے گھر ننھی پری کی آمد ہوئی ہے۔
تفصیلات کے مطابق قومی کرکٹر عماد وسیم نے بیٹی کی پیدائش کی اطلاع سماجی رابطے کی ویب سائٹ ٹویٹر پر دیتے ہوئے لکھا کہ اللہ سبحان تعالیٰ نے انہیں ڈھیر ساری خوشیوں سے نوازا ہے۔
عماد وسیم نے لکھا کہ ’ان کے گھر بیٹی کی پیدائش ہوئی ہے جس کا نام انہوں نے سیدہ عنایا عماد رکھا ہے۔‘
Alhumdu’lillah by the grace of Allah SWT we have been blessed with a beautiful bundle of joy.
Welcome to the world baby syeda inaya imad ❤️😘
— Imad Wasim (@simadwasim) March 4, 2021
قومی کرکٹر کو بیٹی کی پیدائش پر ساتھی کھلاڑیوں اور مداحوں کی جانب سے مبارک باد دینے کا سلسلہ جاری ہے۔
فاسٹ بولر حسن علی نے عماد وسیم کو مبارک باد دیتے ہوئے لکھا کہ ’مبارک ہو میرے بھائی۔‘
Congratulations mera bhai
— Hassan Ali 🇵🇰 (@RealHa55an) March 4, 2021
شرجیل خان نے بھی انہیں بیٹی کی پیدائش کو مبارک باد دی اور لکھا کہ ’ماشا اللہ بہت بہت مبارک ہو، اللہ کی رحمت۔‘
Masha Allah many many congratulations Allah ki Rehmat ♥️
— Sharjeel khan (@SharjeelLeo14) March 4, 2021
سرفراز احمد نے بھی عماد کو مبارک باد دیتے ہوئے لکھا کہ ’ماشا اللہ بہت بہت مبارک ہو، میڈی۔‘
Mashallah bohot bohot mubarak ho maddy ❤️❤️❤️
— Sarfaraz Ahmed (@SarfarazA_54) March 4, 2021
واضح رہے کہ قومی کرکٹر عماد وسیم اگست 2019 میں پاکستانی نژاد برطانوی لڑکی ثانیہ اشفاق سے رشتہ ازدواج میں منسلک ہوئے تھے۔
عماد وسیم کے نکاح کی تقریب اسلام آباد کی فیصل مسجد میں سادگی کے ساتھ انجام پائی تھیں جس میں دلہا دلہن کے اہلخانہ اور قریبی عزیزوں نے شرکت کی تھی۔