کراچی: سندھ گورنمنٹ اسپتال نیوکراچی میں کورونافنڈز میں مبینہ بدعنوانیوں کا انکشاف ہو اہے۔
تفصیلات کے مطابق مالی سال 2022 سے2023 کے درمیان کورونا فنڈز کی آڈٹ رپورٹ سامنے آئی ہے جس میں نیو کراچی کے سرکاری اسپتال میں کورونا فنڈز میں بدعنوانیوں کے انکشافات ہوئے ہیں۔
کورونا کی روک تھام کیلئے کی جانے والی تقرریوں میں بے ضابطگیوں کا انکشاف ہوا، ایک سال میں محکمہ صحت سندھ 89 گھوسٹ ملازمین نے 35 لاکھ 62 ہزار 800 روپے کا چونا لگایا گیا ہے۔
- Advertisement -
ڈائریکٹر جنرل صحت سندھ نے ایکشن لیتے ہوئے ڈی ایچ او سینٹرل سے تنخواہوں کے معاملے پر انکوائری کے احکامات جاری کیے ہیں۔
ڈائریکٹر جنرل صحت سندھ نے ڈی ایچ او سینٹرل کو 7 روز میں جواب جمع کرانے کی ہدایت جاری کی اور کہا کہ عملے کا ماہانہ حاضری سرٹیفکیٹ بھی طلب کیا جائے۔