The news is by your side.

Advertisement

گولف کھیلتے ہوئے گیند مگر مچھ کے منہ میں چلی گئی

امریکا میں ایک شخص گولف کھیلتے ہوئے حیران و پریشان رہ گیا جب گیند ایک مگر مچھ کے منہ میں چلی گئی، مگر مچھ گیند لے کر واپس پانی میں اتر گیا۔

یہ حیران کن واقعہ امریکی ریاست فلوریڈا کے پیلکن ساؤنڈ گولف کلب میں پیش آیا جہاں مارک گولڈ اسٹین نامی شخص گولف کھیل رہا تھا۔

ایک شاٹ کھیلتے ہوئے گیند قریب موجود تالاب کے پاس جا گری، جب مارک اسے وہاں سے لینے گیا تو یہ دیکھ کر حیران رہ گیا کہ ایک مگر مچھ گیند کو منہ میں دبائے بیٹھا تھا۔

مارک نے اپنی جیب سے موبائل فون نکالا اور اس کی ویڈیو بنائی، بعد ازاں مگر مچھ گیند سمیت واپس پانی میں چلا گیا۔

مارک کی بنائی یہ ویڈیو سوشل میڈیا پر بے حد وائرل ہورہی ہے اور لوگ اس پر طرح طرح کے تبصرے کر رہے ہیں۔

Comments

یہ بھی پڑھیں