The news is by your side.

Advertisement

تیز ترین انٹرنیٹ ، پاکستانی صارفین کیلئے بڑی خبر

اسلام آباد: وفاقی وزیر آئی ٹی سید امین الحق کا کہنا ہے کہ ہائی اسپیڈ براڈ بینڈ منصوبے سے 18ماہ کی مدت میں ساڑھے 3 لاکھ رہائشیوں کو تیز ترین انٹرنیٹ کی فراہمی ممکن ہوگی۔

تفصیلات کے مطابق جنوبی بلوچستان میں 2 ارب روپے مالیت سے ہائی اسپیڈ براڈ بینڈ پراجیکٹ کا آغاز کردیا گیا ، تقریب میں وفاقی وزیرآئی ٹی سید امین الحق کی بطورمہمان خصوصی شریک ہوئے جبکہ چیئرمین پی ٹی اےعامرعظیم باجوہ،سیکرٹری آئی ٹی سمیت دیگر حکام نے بھی شرکت کی۔

معاہدے پر دستخط کی تقریب یونیورسل سروس فنڈ کے ہیڈ آفس میں منعقد کی گئی، جس میں وفاقی وزیر امین الحق اور وزیر دفاعی پیداوار زبیدہ جلال نے معاہدے پر دستخط کئے۔

امین الحق نے تقریب سے خطاب کرتے ہوئے کہا 18ماہ کی مدت میں ساڑھے 3 لاکھ رہائشیوں کو تیز ترین انٹرنیٹ کی فراہمی ممکن ہوگی، جنوبی بلوچستان کیلئے 2ارب روپے سے زائد مالیت سے منصوبہ شروع کیا۔

وفاقی وزیر کا کہنا تھا کہ تربت، کیچھ، پنجگور اور اس کے اطراف کے لوگ منصوبے سے مستفید ہوں گے جبکہ 306 پسماندہ دیہات کے 3 لاکھ 40 ہزار سے زائد رہائشیوں کو فائدہ ہوگا۔

وفاقی وزیردفاعی پیداوار نے کہا کیچھ کی 8 لاکھ آبادی میں 50 فیصد نوجوان ہیں، ان نوجوانوں کیلئے ہائی اسپیڈ براڈ بینڈ کی فراہمی بڑی خوشخبری ہے ، کورونا کے آنے کے بعد آن لائن سرگرمیاں بڑھی ہیں جبکہ انٹرنیٹ موبائل براڈ بینڈ کا منصوبہ جنوبی بلوچستان پیکج کا حصہ ہے۔

Comments

یہ بھی پڑھیں