لاہور : امیر جماعت اسلامی سینیٹر سراج الحق نے کہا ہے کہ بھارت پاکستان کے خلاف آبی جارحیت کر رہا ہے، حکومت نے قرضے لے کر قوم کے مستقبل کو گروی رکھ دیا۔
ان خیالات کا اظہار انہوں نے لاہور میں میڈیا سے گفتگو کرتے ہوئے کیا، سینیٹر سراج الحق نے کہا کہ وفاقی وصوبائی حکومتوں کا مدت پوری کرنا جمہوریت کے لئے نیک شگون ہے، حکومت نے مدت تو پوری کی مگرعوام سے کیا گیاایک بھی وعدہ پورا نہیں کیا۔
ان کا کہنا تھا کہ چاروں صوبوں میں مختلف حکومتیں ہونے سے سیاسی ہم آہنگی نہیں ہے، جمہوری رویوں کے فروغ سے ہی ملک میں جمہوریت مستحکم ہوسکتی ہے۔
عوام کے مسائل وہی ہیں جو2013 یااس سے پہلے تھے، حکومت نے تاریخی قرضے لے کر قوم کے مستقبل کو گروی رکھ دیا، امیر جماعت اسلامی نے کہا کہ بھارت پاکستان کے خلاف آبی جارحیت کررہا ہے، بھارت متنازع ڈیم بنا کر پاکستان کا پانی اپنی طرف موڑ رہا ہے۔
خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
