بالی وڈ کی خوبرو اداکارہ امیشا پٹیل نے اپنی فلم ‘یہ ہے جلوہ’ کی ناکامی کا ملبہ سپر اسٹار سلمان خان پر دال دیا۔
بھارتی میڈیا کو انٹرویو دیتے ہوئے امیشا پٹیل کا کہنا تھا کہ فلم ‘یہ ہے جلوہ’ باکس آفس پر بہتر کارکردگی دکھا سکتی تھی لیکن اس وقت سلمان خان کے خلاف مقدمے کی کارروائی چل رہی تھی جس وجہ سے یہ فلم ناکام رہی۔
ان کا کہنا تھا کہ ‘یہ ہے جلوہ’ ڈیوڈ دھون کی بہترین فلموں میں سے ایک تھی، سلمان خان کبھی بھی اتنے جاذب نظر نہیں لگے جتنا کہ اس فلم میں نظر آئے، موسیقی بھی عمدہ تھی، سب کچھ اچھا تھا لیکن سلمان خان کے مقدمے کی وجہ سے فلم کی ریٹنگ پر منفی اثرات مرتب ہوئے۔
’ہر کوئی ریتھک روشن کے خلاف تھا‘
اداکارہ نے کہا کہ میں سمجھتی ہوں کہ میڈیا نے شائقین کو ایسی منفی خبریں تواتر کے ساتھ پہنچائیں جن کی اس زمانے میں قبولیت نہیں تھی۔
ان کا کہنا تھا کہ سلمان خان کے ساتھ پیش آنے والا یہ نیا حادثہ تھا، اس وجہ سے ‘یہ ہے جلوہ’ باکس آفس پر کام نہیں کرسکی، اگر شائقین اس حادثے کی خبر کو اتنے منفی انداز میں نہ لیتے تو یہ فلم بہت کامیاب رہتی۔
عمران عباس کا امیشا پٹیل کیلیے خصوصی پیغام وائرل
خیال رہے کہ امیشا پٹیل اور سلمان خان کی فلم ‘یہ ہے جلوہ’ 3 جولائی 2002 کو ریلیز ہوئی تھی، 28 ستمبر 2002 کو سلمان خان کو غفلت و لاپرواہی سے گاڑی چلانے کے الزام میں گرفتار کرلیا گیا تھا۔
امیشا نے حال ہی میں غدر 2 کے ساتھ فلموں میں واپسی کی۔ انیل شرما کی ہدایت کاری میں بننے والی اس فلم میں اداکارہ امیشا پٹیل اور سنی دیول نظر آرہے ہیں، اس فلم نے اب تک کروڑوں روپے کا بزنس کرلیا ہے۔
