امریکا کی تمام ریاستوں میں موبائل فون اور انٹرنیٹ سروس گھنٹوں بند رہنے کے بعد بحال ہوگئی ہیں۔
بین الاقوامی خبر رساں ادارے کی رپورٹ کے مطابق موبائل فون اور انٹرنیٹ سروس میں رکاوٹ کی وجہ سامنے نہیں آسکی ہے۔
میڈیا رپورٹ کے مطابق امریکا میں موبائل فون اور انٹرنیٹ سروس بند ہونے سے متعلق ہوم لینڈ سیکیورٹی اور ایف بی آئی بھی تحقیقات کررہی ہے۔
رپورٹس کے مطابق امریکا میں جمعرات کو سان فرانسسکو سمیت بڑے شہروں میں سیل فون سروس میں خلل کے باعث ہزاروں صارفین کو اذیت کا سامنا کرنا پڑا تھا۔
دوسری جانب امریکی صدر جو بائیڈن نے کہا ہے کہ ان کی انتظامیہ تقریباً 153,000 افراد کے لیے 1.2 بلین ڈالر مالیت کے طلبہ کے قرضے منسوخ کر رہی ہے۔
بائیڈن نے یہ اعلان ایک نئے ادائیگی کے منصوبے کے حصے کے طور پر کیا ہے جو معافی کا تیز ترین راستہ پیش کرے گا۔
امریکی رہنما نے گزشتہ سال قرضوں میں ریلیف سے نمٹنے کے لیے دیگر راستے تلاش کرنے کا وعدہ کیا تھا جب سپریم کورٹ نے 430 بلین ڈالر کے طلبہ کے قرضے معاف کرنے کے وسیع منصوبے کو روک دیا تھا۔
بائیڈن نے ایک بیان میں کہا کہ اگرچہ کالج کی ڈگری اب بھی ایک بہتر زندگی کا ٹکٹ ہے لیکن وہ ٹکٹ بہت مہنگا ہے اور بہت سارے امریکی اب بھی کالج کی ڈگری کے بدلے غیر مستحکم قرضوں میں جکڑے ہوئے ہیں۔
کینیڈا: پاکستانی خاندان کو گاڑی تلے کچلنے والے مجرم کو سزا سنادی گئی
وائٹ ہاؤس نے کہا کہ یہ اقدام خاص طور پر کمیونٹی کالج اور دوسرے قرض لینے والوں کو چھوٹے قرضوں کے ساتھ مدد کرے گا اور بہت سے لوگوں کو پہلے سے کہیں زیادہ تیزی سے طلباء کے قرضوں سے آزاد ہونے کی راہ پر گامزن کرے گا۔
