اسلام آباد : ایمنسٹی انٹرنیشنل نے اے آر وائی نیوز کی نشریات معطل کرنے پر سخت ردعمل کا اظہار کیا کرتے ہوئے مطالبہ کیا پاکستانی حکام پابندیاں واپس لیں، صحافیوں اور میڈیاہاؤسز کیخلاف کریک ڈاؤن بند کریں۔
تفصیلات کے مطابق ایمنسٹی انٹرنیشنل نے اے آر وائی نیوزکی نشریات معطلی پر ردعمل دیتے ہوئے پاکستان میں میڈیا پر پابندیوں سے متعلق تشویش کااظہار کیا۔
ایمنسٹی انٹرنیشنل نے کہا کہ پاکستان میں تنقیدی تقاریر پر پابندی آزادی اظہار کیلئے خطرہ ہے، ریاستی اداروں پرتنقید کو نفرت انگیز تقریر نہیں سمجھا جاسکتا۔
ایمنسٹی انٹرنیشنل کا کہناتھا کہ پاکستانی حکام ریگولیٹری اتھارٹی کے ذریعے آزادی صحافت کو خطرے میں ڈال رہے ہیں۔
ایمنسٹی انٹرنیشنل نے مطالبہ کیا کہ پاکستانی حکام پابندیاں واپس لیں، صحافیوں اور میڈیا ہاؤسز کیخلاف کریک ڈاؤن بند کریں۔
ان کا مزید کہنا تھا کہ آزادی اظہار کا حق انسانی حقوق کے عالمی اعلامیے میں درج ہے، عالمی اعلامیہ آئی سی سی پی آر کا حصہ ہے، پاکستان بھی معاہدے میں شامل ہے۔
