انگلینڈ کے فاسٹ بولر جیمز اینڈرسن نے انگلش کرکٹ لیگ دی ہنڈرڈ میں پاکستان کرکٹ ٹیم کے کپتان بابر اعظم کو پِک نہ کیے جانے کے معاملے پر حیرانگی کا اظہار کیا ہے
ایک پوڈ کاسٹ میں میزبان نے فاسٹ بولر جیمز اینڈرسن سے سوال کیا کہ بابر اعظم کو کیوں نہیں پک کیا گیا؟ کیا اس کی قیمت بہت زیادہ تھی؟ جس کے جواب میں فاسٹ بولر نے کہا کہ بابرکو ہنڈرڈ لیگ میں پِک نہ کیے جانے پر حیران ہوں، میں بابر کو ٹیم میں لینے کے لیے ڈبل پیسے آفر کر دیتا اور اسے پِک کرنے کے لیے اپنا پورا بجٹ لگا دیتا۔
وہاب ریاض نے بابر پر شعیب اختر کی تنقید کا جواب دیدیا
جیمز اینڈرسن نے کہا کہ لیکن میرے خیال میں بابر کی دستیابی کا مسئلہ تھا جس کی وجہ سے وہ پِک نہیں ہوسکے۔
واضح رہےکہ بابراعظم کو دی ہنڈرڈ لیگ کے ڈرافٹ میں کسی ٹیم نے پِک نہیں کیا تھا، ڈرافٹنگ میں شاہین آفریدی پاکستان کے سب سے مہنگے کھلاڑی رہے۔
رپورٹس کے مطابق دی ہنڈرڈ لیگ کا آغاز یکم اگست سے ہوگا۔
