Angelinaجنگ زدہ علاقوں میں خواتین کا جنسی استحصال روکا جائے، انجلینا جولی
The news is by your side.

Advertisement

جنگ زدہ علاقوں میں خواتین کا جنسی استحصال روکا جائے، انجلینا جولی

برسلز : عالمی شہرت یافتہ اداکارہ انجلینا جولی نے کا کہنا ہے کہ روہنگیا مہاجر ین پرظلم وستم کے پہاڑ توڑے گئے، کم عمر لڑکیوں کی عصمتیں لوٹی گئیں لیکن عالمی برادری خاموش تماشائی بنی رہی، نیٹوافواج سے اپیل ہے کہ جنگی علاقوں میں خواتین کا جنسی استحصال روکے اور تحفظ فراہم کرے۔

تفصیلات کے مطابق برسلز میں نیٹوہیڈ کوارٹر میں پریس کانفرس سے خطاب میں اقوام متحدہ کی خصوصی سفیر برائے مہاجرین انجلینا جولی کا کہنا تھا کہ اتحادی افواج کی آئینی ذمہ داری ہے کہ وہ جنگ زدہ علاقوں میں خواتین و بچوں کے حقوق اور ان کی عزت و آبرو کے تحفط کیلئے اپنا مثبت کردار ادا کریں۔

انجلینا جولی نے کہا روہنگیا مہاجرین پر ظلم و ستم کے پہاڑ توڑے گئے، کم عمر لڑکیوں پر تشدد اور انہیں زیادتی کا نشانہ بنایا گیا لیکن اس پر عالمی برادری کی خاموشی پر انہیں غم وغصے سمیت شدید تحفظات ہیں۔

انجلینا جولی نے نیٹوافواج سے اپیل ہے کہ جنگ سےمتاثرہ علاقوں خواتین عزت وآبرو کا تحفظ یقینی بنائے۔

اس سے قبل بھی انجلینا جولی نے میانمار میں روہنگیا خواتین پر جنسی تشدد کی شدید مذمت کرتے ہوئے کہا تھا کہ وہ جلد ہی جنسی تشدد کی شکار روہنگیا خواتین سے ملاقات کا ارادہ بھی رکھتی ہیں۔


مزید پڑھیں :  برمی فوجیوں کی روہنگیا خواتین سے زیادتی کا انکشاف


واضح رہے کہبرمی فوجیوں کی جانب سے خواتین کو جنسی زیادتی کا نشانہ بنائے اور بنگلہ دیش میں روہنگیا خواتین کوجسم فروشی پرمجبور کا انکشاف ہوا تھا جبکہ اقوام متحدہ نے خبردار کیا ہے کہ بنگلہ دیش میں روہنگیاپناہ گزین کوشدید خطرات لاحق ہیں۔

خیال رہے کہ میانمار میں فوجی آپریشن نے لاکھوں روہنگیا مسلمانوں کو سرحد پار کر کے بنگلادیش فرار ہونے پر مجبور کر دیا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

Comments

comments

یہ بھی پڑھیں