ڈالر ریٹ بڑھنے سے ادویات کا خام مال بھی مہنگا ہو گیا۔ دواساز کمپنیوں نے ملک میں پیدوار بند کرنےکا اعلان کر دیا۔
مختلف کمپنیوں نے ڈرگ ریگولیٹری اتھارٹی آف پاکستان (ڈرپ) کو پیداور بند کرنے کے نوٹس دینا شروع کر دیئے۔
دواساز کمپنیز کا کہنا ہے کہ بجلی گیس مہنگی ہونے سے موجودہ قیمت پر دوا بنانا ممکن نہیں رہا ڈالر کی قدر میں بےتحاشہ اضافہ موجودہ قیمتوں پر پیداوار ممکن نہیں۔
کمپنیز نے نوٹس میں لکھا کہ ایک ہفتے بعد ادویات کی پیداوار اور سپلائی کمپنیوں کیلئےممکن نہیں رہےگا۔
دوسری جانب وزارت صحت اور ڈریپ کی ادویہ ساز اداروں (فارما انڈسٹریز) کے سامنے ایک نہ چلی اور گھٹنے ٹیک دئیے، 119ادویات کی قیمتوں میں 350 فیصد سے زائد اضافہ کی سمری ارسال کردی گئی۔
ادویات کی قیمتوں میں اضافہ کی سمری ڈریپ اور وزارت صحت نے تیار کی ہے، جس کے مطابق ٹائی فیم انجکشن کی قیمت میں 367 فیصد اضافہ کی سفارش کی گئی ہے، جس کی پرانی قیمت 687 روپے ہے اور نئی قیمت 3216 روپے ہوجائے گی۔
