The news is by your side.

بارش میں ٹریفک روانی ممکن بنانے والے اہلکاروں کے لیے انعام کا اعلان

کراچی: آئی جی سندھ نے کراچی میں بارش کے دوران ٹریفک روانی ممکن بنانے والے اہلکاروں کے لیے انعام کا اعلان کیا ہے۔

تفصیلات کے مطابق آئی جی سندھ نے کراچی میں بارش میں ٹریفک کی روانی کو ممکن بنانے والے اہلکاروں کو 50،50 ہزار نقد انعام دینے کا اعلان کیا ہے۔

آئی جی سندھ نے سیکشن آفیسر فیروز آباد، میٹھادر کی خدمات کو سراہا، شاباش دی۔انہوں نے کہا کہ بارش کے دوران جوانوں کی کارکردگی لائق ستائش ہے۔

کراچی بارش، فرض شناس ٹریفک پولیس اہلکار نے شہریوں کے دل جیت لیے

خیال رہے کہ گزشتہ روز کراچی میں ہونے والی بارش کے دوران فرض شناس ٹریفک پولیس اہلکار اپنی ڈیوٹی کرتے نظر آئے تاکہ عوام کو کسی بھی قسم کی پریشانی کا سامنا کرنا نہ پڑے۔

کراچی میں ہونے والی بارش کے بعد صورت حال خوفناک ہوتی جارہی ہے، سڑکیں زیر آب آنے کے بعد بارش کا پانی گھروں میں داخل ہوگیا جبکہ کرنٹ لگنے سے پولیس اہلکار سمیت دو شہری جاں بحق ہوگئے۔

Comments

یہ بھی پڑھیں