کراچی: شہر قائد میں ہونے والی بارش کے دوران فرض شناس ٹریفک پولیس اہلکار اپنی ڈیوٹی کرتے نظر آئے تاکہ عوام کو کسی بھی قسم کی پریشانی کا سامنا کرنا نہ پڑے۔
ایک روز قبل کراچی کے مختلف علاقوں میں تیز بارش ہوئی تھی جس کے بعد سڑکیں اور شاہراہیں زیر آب آگئیں تھیں اور ٹریفک کی روانی بری طرح سے متاثر ہوئی تھی۔
کراچی کی مصروف ترین شاہراہ ’شارع فیصل‘ پر بارش کا پانی ریلے کی صورت میں بہہ رہا تھا جس کی وجہ سے سڑک پر ڈھائی سے تین فٹ پانی کھڑا ہوگیا تھا۔
شارع فیصل پر ریجنٹ پلازہ، ایف ٹی سی، نرسری، لال کوٹھی، کارساز فلائی اوور، ڈرگ روڈ اسٹیشن، اسٹار گیٹ اور ایئرپورٹ پر بارش کا پانی جمع ہونے کی وجہ سے ٹریفک کا نظام درہم برہم ہوگیا تھا۔
مزید پڑھیں: مون سون کا دوسرا اسپیل، کراچی ڈوب گیا
جہاں شدید بارش کے بعد شہریوں کو اپنے گھروں کو جانے کی جلدی تھیں وہیں ٹریفک پولیس اہلکار فرض شناسی کے ساتھ ڈیوٹی کررہے تھے۔
We often criticise them but Karachi traffic cops are the real MVP.
They are seen going beyond their duty to ensure smooth flow of traffic. 👮♂️ #KarachiRain pic.twitter.com/rizaPjNmn2
— Malik. (@NavazMalik) July 17, 2020
شارع فیصل لال کوٹھی کے پاس گھٹنوں گھٹنوں تک پانی میں کھڑے پولیس اہلکار ہاتھ میں وائرلیس لیے ہوئے تھے اور وہ اس مشکل وقت میں بھی ٹریفک کی روانی کو بہتر بنانے کی کوشش کررہے تھے۔
علاوہ ازیں چند ٹریفک پولیس اہلکار ایسے بھی تھے جو نکاسی کے لیے پانی کا راستہ بنا رہے تھے۔
اس کے ساتھ ہی سندھ پولیس اور رینجرز اہلکاروں نے بھی ٹریفک جام میں پھنسے شہریوں کی مدد کی اور انہوں نے گاڑیوں کو دھکا دے کر پانی سے باہر نکال کر شہریوں کو بڑی پریشانی سے بچایا۔
Karachi traffic police helping people during rain to keep traffic in flow while it rains in karachi. #ProudToServe 👮♂️#KarachiRain pic.twitter.com/rNfTBzo9Kt
— Sohail Ahmed Jokhyo (@JokhyoSohail) July 17, 2020
کراچی کے جناح اسپتال میں بھی بارش کا پانی جمع ہوگیا تھا جس کی وجہ سے مریضوں کو شدید مشکلات کا سامنا تھا، تھانہ صدر کے ایس ایچ او نے اطلاعات ملنے کے بعد تھانے کی نفری کو بھیج کر پانی کی نکاسی کروائی۔
یہ بھی پڑھیں: کراچی، بارش کے بعد صورت حال خوفناک، پانی گھروں میں داخل، کرنٹ لگنے سے دو جاں بحق
نمائندہ اے آر وائی نیوز کو ملنے والی اطلاعات کے مطابق شارع فیصل پر ڈیوٹی دینے والے اہلکار کا نام اشرف جٹ ہے جو فیروز آباد ٹریفک پولیس میں بطور سیکشن آفیسر ڈیوٹی انجام دے رہے ہیں۔
One word for this traffic police guy. #Respect #karachirain pic.twitter.com/xLT2IaHYiS
— Usama Qureshi (@UsamaQureshy) July 17, 2020
شارع فیصل سے روزانہ گزرنے والے شہریوں میں سے ایک نوجوان نے بتایا کہ مذکورہ پولیس افسر ٹریفک کے دباؤ کے وقت شارع فیصل پر ضرور نظر آتے ہیں اور وہ ٹریفک کو روانی کو بہتر بھی بناتے ہیں۔
سماجی رابطے کی ویب سائٹ پر صارفین نے بالخصوص شارع فیصل پر ڈیوٹی دینے والے ٹریفک پولیس اہلکار کو سراہا اور اُن کی فرض شناسی پر رشک بھی کیا۔
— badi uz zaman (@badizaman007) July 18, 2020
میٹھا در ٹریفک سیکشن کے اے ایس آئی عثمان نے بھی ٹریفک کی روانی کو بہتر بنانے کے لیے سڑک پر جمع ہونے والے پانی کی نکاسی کا بندوبست کیا۔
