لاہور: نیوزی لینڈ کے خلاف سیریز کے لئے قومی کرکٹ ٹیم کی انتظامیہ کا اعلان کر دیا گیا۔
پی سی بی کے مطابق ریحان الحق منیجر اور گرانٹ بریڈبرن ہیڈ کوچ ہوں گے جب کہ سابق ٹیسٹ کرکٹر عبدالرحمان ہیڈکوچ کے معاون ہوں گے۔
اینڈریو پیوٹک بیٹنگ کوچ، عمر گل باؤلنگ کوچ، کلف ڈیکن فزیو ہوں گے۔ ڈرکس سائمن کنڈیشنگ کوچ، طلہ اعجاز اینالسٹ، احسن ناگی میڈیا منیجر ہوں گے۔
اظہر عارف سکیورٹی مینیجر، عمار احسن ویڈیوگرافر، نجیب سومروڈاکٹر، ملنگ علی مساجر ہوں گے۔ بریڈبرن اور پیوٹک کو نیوزی لینڈ سیریز کیلئے ذمہ داری سونپی گئی ہے۔
دونوں کوچز 11 اپریل کو لاہور پہنچیں گے۔ نیوزی لینڈ سیریز کے بعد کی مصروفیات کیلئے باقاعدہ اعلان کیا جائے گا۔ نیوزی لینڈ اور پاکستان میں5ٹی 20اور 5ون ڈے میچز کھیلے جائیں گے سیریز کا آغاز 14 اپریل سے لاہور سے ہوگا، ٹی 20میچز رات 9بجے ،ون ڈے میچز دوپہر ساڑھے 3بجےشروع ہوں گے۔
