The news is by your side.

ایم کیوایم کا بلدیہ فیکٹری مالکان سے بھتے کے معاملے پرتنازع تھا: گواہ کا انکشاف

کراچی: سانحہ بلدیہ فیکٹری کیس میں اہم پیشرفت ہوئی ہے، ایم کیو ایم کے سابق سیکٹرانچارج کے بھائی کا بہ طور عینی شاہد بیان ریکارڈ کر لیا گیا۔

تفصیلات کے مطابق عینی شاہد نے اہم انکشافات کیے ہیں، گواہ کے مطابق ایم کیوایم کا فیکٹری مالکان سے بھتے کے معاملے پرتنازع تھا، میرے بھائی کوہٹا کرعبدالرحمان بھولا کو بلدیہ سیکٹر انچارج لگایا گیا۔

گواہ نے مزید کہا کہ آگ لگانے سے پہلےرحمان بھولا فیکٹری مالکان سے ملنے آیا تھا، ملزمان جولائی 2012 میں ملنے کے لئے آیا تھا۔

گواہ کا کہنا تھا کہ وہ جوڈیشل مجسٹریٹ اور جے آئی ٹی کو بھی قلم بند کرا چکا ہے۔ 6اپریل کو مزیدعینی شاہد جوڈیشل مجسٹریٹ عدالت میں طلب کر لیے گئے۔

مزید پڑھیں: سانحہ بلدیہ کیس کا اہم چشم دید گواہ منظر عام پرآگیا

خیال رہے کہ کل بھی سانحہ بلدیہ کیس میں روپوش اہم چشم دید گواہ منظر عام پر آیا تھا، جس ملزم زبیر چریا کو شناخت کرتے ہوئے بیان دیا کہ ملزم نے اپنی جیب سے تھیلیاں نکال کر فیکٹری کے گودام میں رکھے کپڑوں پر پھینکی تھیں، اور آگ لگنے پر مسکراتا رہا۔

واضح رہے گیارہ ستمبر2012کو کراچی کے علاقے بلدیہ ٹاؤن کی فیکٹری میں آتشزدگی کا خوفناک واقعہ پیش آیا تھا ، جس کے نتیجے میں خواتین سمیت دو سو ساٹھ مزدور زندہ جل گئے تھے، بعد میں انکشاف ہوا تھا کہ ایک سیاسی جماعت نے بھتہ نہ ملنے پر فیکٹری کو آگ لگائی تھی۔

Comments

یہ بھی پڑھیں