کراچی : شہر قائد میں تجاوزات کیخلاف آپریشن جاری ہے، غریب آباد میں درجنوں پتھاروں، شیڈز اورسائن بورڈز کو مسمارکردیا گیا، کے ایم سی حکام نے عدالت میں پیش کرنے کے لیے عمل درآمد رپورٹ تیار کرلی۔
تفصیلات کے مطابق کراچی میں تجاوزات کا مکمل صفایا کرنے کے لیے گرینڈ آپریشن جاری ہے، کےایم سی انسداد تجاوزات سیل نے غریب آباد میں کارروائی کی گئی۔
بھاری مشینری سے درجنوں پتھارے اور شیڈز ہٹا دئیے گئے اس کے علاوہ سائن بورڈ بھی گرا دئیے گئے۔ تجاوزات کے خلاف آپریشن پر حکام نے سپریم کورٹ میں پیش کرنے کے لیے عمل درآمد رپورٹ تیار کرلی۔
رپورٹ میں بتایا گیا ہے کہ ایمپریس مارکیٹ اورداؤد پوتہ روڈ پر ڈھائی ہزار غیر قانونی دکانیں اوردو منزلہ عمارت مسمار کی گئی۔ رپورٹ کے مطابق سہراب خٹک روڈ پر چارسو اسی غیرقانونی دکانیں مسمار کی گئیں۔
مزید پڑھیں: تجاوزات کیخلاف آپریشن ، صدر کے متاثرین کو متبادل جگہ دیں گے، وسیم اختر
سرمد شہید روڈ پر ڈیڑھ سو تجاوزات اور شارع عراق پرساڑھے چار سو ٹھیلے اور اکبر روڈ اور ملحقہ علاقے میں 7500 سن شیڈز توڑے گئے۔
