جس طرح سے بڑی عمر کے افراد کو عوامی مقامات پر لوگوں درمیان سوشل انزائٹی کا سامنا کرنا پڑتا ہے، بالکل اسی طرح بچے بھی کئی جگہ پر سوشل انزائٹی کے شکار ہوتے ہیں۔
یہی وجہ ہے بہت سے بچے سوشل انزائٹی کے شکار ہوتے ہیں جو اپنے محلے یا اسکول میں دوستوں سے بات کرتے ہوئے گھبراہٹ یا خوف محسوس کرتے ہیں، اس حالت سے بچوں کو نکالنے کے لیے والدین کچھ حکمت عملی اختیار کرسکتے ہیں۔
انفارمیشن ٹیکنالوجی کی بدولت آج کل کے بچے والدین کو اپنی کیفیت کے بارے میں باآسانی آگاہ کررہے ہیں، یہ باتیں پہلے کے بچوں میں نہیں ہوتی تھیں۔ یہی وجہ ہے بچوں میں انزائٹی کی علامات نظر آنا شروع ہو جاتی ہیں۔
اس حوالے سے شوبز انڈسٹری کی معروف اداکارہ سعدیہ امام نے اے آر وائی ڈیجیٹل کے پروگرام گڈ مارننگ پاکستان میں بتایا کہ میری بیٹی میرب نے مجھے اپنی کیفیت بیان کرتے ہوئے کہا کہ میں اپنے نئے سیکشن میں خود کو بہتر محسوس نہیں کررہی لہٰذا اسکول آکر میرا سیکشن تبدیل کروائیں۔
انہوں نے بتایا کہ پھر میں نے اسکول جاکر ان کو بچی کی کیفیت بتائی تو انہوں نے اس کا سیکشن تبدیل کیا جس کے بعد اب اس کی کیفیت پہلے سے بہت بہتر ہے۔
