قومی ٹیم کے سابق فاسٹ بولر عاقب جاوید نے نئے چیئرمین پی سی بی کے نام بتادیے۔
قومی ٹیم کےسابق فاسٹ بولرعاقب جاوید کا چیئرمین پی سی بی رمیز راجہ کو عہدے سے مستعفی ہوجانےکا مشورہ دیتے ہوئے کہا کہ وہ چیئرمین کے عہدے سے استعفیٰ دے کر اچھے انداز سے رخصت ہوکر جائیں۔
انہوں نے کہا کہ کرکٹر ہونے یا نہ ہونے سے فرق نہیں پڑتا، ایڈمنسٹریشن پاوور ہونی چاہیے۔
عاقب جاوید نے کہا کہ اس وقت نجم سیٹھی اور ذکا اشرف چیئرمین بننے کے مضبوط امیدوار ہیں۔
واضح رہے کہ شہباز شریف کے وزیراعظم بننے کے بعد کہا جارہا ہے کہ رمیز راجہ کو چیئرمین پی سی بی کے عہدے سے ہٹا دیا جائے گا۔
تجزیہ کاروں کا کہنا ہے کہ چیئرمین پی سی بی کے لیے نجم سیٹھی مضبوط امیدوار ہیں۔
یاد رہے کہ گزشتہ دنوں رمیز راجہ کا کہنا تھاکہ وہ استعفیٰ نہیں دیں گے وہ چیئرمین پی سی بی سے متعلق فیصلہ وزیراعظم شہباز شریف پر چھوڑتے ہیں۔
یاد رہے کہ وزیراعظم عمران خان نے احسان مانی کے استعفیٰ کے بعد رمیز راجہ کو پی سی بی کا چیئرمین بنایا تھا۔
