The news is by your side.

یہ کتابیں ہیں یا مطالعے میں مصروف بوڑھا؟ دلچسپ راز بتاتی پہیلی

آج ایک اور نئی پہیلی آپ کے سامنے ہیں بتائیں کہ آپ کو اس میں پہلے کتابوں کا ذخیرہ نظر آیا یا مطالعے میں مصروف بوڑھا شخص؟

سوشل میڈیا پر بصری دھوکے پر مبنی پہیلیاں بوجھنا عام ہوتا جا رہا ہے، اس نظری وہم میں جو کچھ آپ کو پہلے نظر آتا ہے وہ آپ ک شخصیت کے پرت کھولتا ہے، اکثر یہ پہیلیاں بہت دلچسپ ثابت ہوتی ہیں کہ وہ ہمیں اس جانب دیکھنے پر متوجہ کرتی ہیں کہ جہاں عام حالات میں انسان نہیں دیکھتا۔

بصری دھوکے پر مبنی پہیلیاں ایک جانب تفریح فراہم کرنے کا ذریعہ ہوتی ہیں، جس میں آپ تصویر میں چھپے ہوئے جانوروں یا دیگر اشیا کو تلاش کرنے میں جوش کے ساتھ مشغول ہوجاتے ہیں اور دنیاوی جھنجھٹوں سے کچھ دیر کے لیے چھٹکارا مل جاتا ہے، جو آپ کو بعض اوقات پرسکون رکھنے میں مدد دیتا ہے، ساتھ ہی یہ ہمارے آنکھوں اور دماغ میں تال میل پیدا کرکے ہماری مشاہدے کی صلاحیتوں کو بھی پروان چڑھاتی ہیں۔

یہ تصویر چارلس میرئٹ کی ٹک ٹاک پر پوسٹ کی گئی ویڈیو سے لی گئی ہے اور چارلس کے مطابق یہ آپ کی شخصیت کی قسم کو پہچاننے میں آپ کی مدد کرے گی، تو کیا آپ اس بصری دھوکے پر مبنی پہیلی بوجھنے کے کھیل میں شریک ہوتے ہیں؟

اگر آپ کا جواب ہاں میں ہے تو تصویر کو دیکھیں اور بتائیں کہ اس میں سے سب سے پہلے آپ کو کیا نظر آیا؟ آپ کی آنکھوں نے پہلے کتابوں کے ذخیرے کو دیکھا یا پھر اس میں آپ کو ایک کتاب کا مطالعہ کرتا بوڑھا نظر آیا؟

Jagranjosh

اگر آپ نے یہاں بہت ساری کتابیں دیکھی ہیں تو۔۔۔۔۔۔۔۔۔۔۔۔

آپ گہرائی تک علم رکھنے والی شخصیت ہیں جس کو معلومات جمع کرنے کا شوق ہے لیکن اس کے ساتھ ہی آپ اپنی ذات میں مگن رہنے والی ایک ایسی پیچیدہ شخصیت بھی ہوسکتے ہیں جو ابتدائی ملاقات میں کسی اجنبی سے گھلتا ملتا نہیں ہیں اور لوگوں میں آپ کا پہلا تاثر ایک سرد مہر شخصیت کے طور پر ابھرتا ہے تاہم جب آپ کو اپنا ہم مزاج مل جاتا ہے تو آپ اس سے اچھی طرح گھل مل جاتے ہیں، دوسرے معنوں میں ایک اچھے دوستانہ تعلقات کا آغاز ہوتا ہے۔

اچھی بات یہ ہے کہ آپ جذبات کی رو میں آسانی سے بہنے والے نہیں ہیں بلکہ زندگی سے متعلق آپ کا نقطہ نظر عملی ہے،

سب سے پہلے بوڑھے آدمی کو دیکھا تو۔۔۔۔۔۔۔۔۔۔۔۔۔۔

آپ مرکز نگاہ بننے والی شخصیت ہوسکتے ہیں جس کو باہر جانا، لوگوں کے اردگرد رہنا ہے، آپ میں کسی بھی پارٹی میں خود کو لوگوں کو توجہ کا مرکز بنانے کی صلاحیت ہے، اس کے ساتھ ہی آپ ایک اصول پسند شخص ہیں جو اپنی زندگی اپنے وضع کردہ اصولوں کے مطابق گزارتے ہیں۔

آپ کا یہ نقطہ نظر یہ بھی بتاتا کہ آپ اپنے دل کی آواز پر لبیک کہتے یعنی ہمیشہ اپنے دل کی سنتے ہیں اور کچھ بھی کرنے کے لیے اپنے وجدان پر بھروسہ کرتے ہیں۔

ہمیں امید ہے کہ آپ کو اپنی شخصیت کے یہ راز جاننے میں مزا آیا ہوگا۔

Comments

یہ بھی پڑھیں