پیغام رسانی کے لیے استعمال ہونے والی دنیا کی سب سے مقبول ایپلی کیشن واٹس ایپ نے اپنے صارفین کو بڑی سہولت فراہم کردی۔
واٹس ایپ کا استعمال صرف میسجز تک محدود نہیں بلکہ آڈیو اور ویڈیو کالز بھی بہت زیادہ کی جاتی ہیں، یہی وجہ ہے کہ واٹس ایپ کی جانب سے ویڈیو کالنگ کو بہتر بنانے کے لیے متعدد نئے فیچرز متعارف کرانے کا اعلان کیا گیا ہے۔
ان میں سے کچھ فیچرز تو ایسے تھے جن کا اعلان پہلے بھی ہوچکا مگر اب انہیں باضابطہ طور پر متعارف کرایا جارہا ہے۔
یہ بھی پڑھیں: واٹس ایپ نے صارفین کی دلی خواہش پوری کردی؟
کمپنی کے مطابق حال ہی میں متعارف کرایا گیا نمایاں فیچر ویڈیو کالنگ ہے، پہلے پہل ایک ویڈیو کال میں 8 افراد کو شامل کیا جاسکتا تھا مگر اب اس حد کو 4 گنا بڑھا دیا گیا ہے یعنی ایک ویڈیو کال میں 32 افراد شمولیت کرسکتے ہیں۔
Now you can have up to 3️⃣2️⃣ people in one video call.
Getting to see 32 of your favorite faces in one call is the big family dream 👪
Check out the other exciting updates to WhatsApp calls below ⬇️ pic.twitter.com/YVMYkVOr9F
— WhatsApp (@WhatsApp) December 14, 2022
دوسرا نمایاں فیچر کالز کا حصہ بننے والے افراد کو میسج بھیجنے یا انہیں میوٹ کرنے کا ہے،اس کا طریقہ یہ ہے کہ کسی فرد کے آئیکون کو کچھ دیر تک دبانے سے میسج یا میوٹ کرنے کا آپشن سامنے آجائے گا۔
تیسرا نمایاں اور بہترین فیچر کال لنکس کا ہے، جس کا اعلان تو پہلے ہی کیا جاچکا ہے تاہم اسے بھی فکنشنل کردیا گیا ہے، اب صارف کالز ٹیب میں جاکر کری ایٹ کال لنک پر کلک کرتے ہوئے اسے دوسرے صارف سے شیئر کرسکتے ہیں،جن افراد کو یہ لنک بھیجا جائے گا وہ اس پر کلک کرکے کال کا حصہ بن جائیں گے۔
اس کے علاوہ ویڈیو کالز میں ویو فارم اور کال بینر نوٹیفکیشنز کا بھی اضافہ کیا جارہا ہے،واٹس ایپ نے بتایا کہ اس سے صارفین کے لیے کالز کے دوران ملٹی ٹاسکنگ آسان ہوجائے گی۔
واٹس ایپ کی جانب سے ویڈیو کالز میں آئندہ چند ہفتوں میں پکچر ان پکچر موڈ کے اضافے کا اعلان بھی کیا گیا ہے۔