نئی دہلی: بھارتی ریاست مغربی بنگال میں شوہر سے جھگڑے پر خاتون نے اپنی دو بیٹیوں کو زہر دے کر ابدی نیند سلادیا۔
بین الاقوامی میڈیا رپورٹ کے مطابق دل خراش واقعہ مرشدآباد کے علاقے بیل ڈانگہ میں پیش آیا، جہاں دونوں میاں بیوی کے درمیان کسی بات پر جھگڑا ہوا، جس پر رات گئے خاتون نے اپنی دو کمسن بیٹیوں کو دودھ میں زہر ملادیا، زہریلا دودھ پینے کے باعث پانچ سالہ سونالی اور دو سالہ حمیمہ کی حالت خراب ہوگئی۔
یہ بھی پڑھیں : بھارتی پولیس کا ایکشن، اہم شخصیت کا رشتے دار گرفتار
دونوں بچیوں طبی امداد کے لئے پہلے بیل ڈانگہ گرامین اسپتال لے جایا گیا لیکن مزید علاج کے لیے دونوں کو مرشد آباد میڈیکل کالج اینڈ اسپتال منتقل کیا گیا، جہاں ڈاکٹروں نے دونوں بچیوں کو مردہ قرار دے دیا، ڈاکٹرز کے مطابق بچیوں کو تاخیر سے اسپتال لایا گیا، جس کے باعث ان کی موت واقع ہوئی۔
پولیس نے ابتدائی تحقیق کے بعد خاتون کو گرفتار کر لیا ہے، پولیس حکام کا کہنا ہے کہ معاملے کی مکمل چھان بین کی جائے گی۔
