گوجرانوالہ : ڈاکو بینک کی کیش وین سے ساڑھے نو کروڑ روپے سے زائد رقم لوٹ کرفرار ہوگئے۔
تفصیلات کے مطابق گوجرانوالہ میں ڈکیتی کی بڑی واردات ہوئی ، جہاں پانچ مسلح ڈاکوؤں نے بینک کی کیش وین لوٹ لی۔
تھانہ تتلے عالی کے علاقہ ڈیرہ چوکی والا کے قریب کار سوار پانچ ڈاکوؤں نے بنک کی کیش وین کو ذبردستی روک کر 9 کروڑ روپے لوٹ لیے اور موقع سے باآسانی فرار ہوگئے۔
- Advertisement -
وین میں پولیس کے مطابق شیخوپورہ سے کیش گوجرانوالہ منتقل کیا جا رہا تھا کہ ڈیرہ چوکی کے قریب مسلح ڈاکوں نے وین کو لوٹ لیا۔
ڈاکوؤں فائرنگ کرکے وین ڈرائیورکو زخمی کردیا، واقعہ کی اطلاع ملتے ہی پولیس کی بھاری نفری نے موقع پر پہنچ کر کیش وین کے سکیورٹی گارڈز سے تحقیقات شروع کردی اور واقعہ کا مقدمہ درج کرلیا۔
پولیس کا کہنا ہے کہ ملزمان کی تلاش کیلئے علاقہ کی ناکہ بندی کر دی ہے۔
