The news is by your side.

Advertisement

کراچی میں‌ مسلح شخص کی دیدہ دلیری، ایک ہی دکان پر دوسری بار ڈکیتی

کراچی: شہر قائد میں پولیس طرز کی نمبر پلیٹ والی موٹرسائیکل پر ڈکیتیاں کرنے والا مسلح شخص فوٹیج نشر ہونے کے بعد دوبارہ اُسی دکان کو لوٹنے کے لیے پہنچ گیا۔

اے آر وائی نیوز کی رپورٹ کے مطابق کراچی میں واقع یونیورسٹی روڈ پر دیدہ دلیری سے لوٹ مار کرنے والے ملزم نے ایک ہی دکان پر اگلے روز دوسری بار ڈکیتی کی۔

پولیس طرز کی نمبر پلیٹ والی موٹرسائیکل پر آنے والے مسلح شخص نے واردات کے دوران جوس کی دکان کے مالک کو دوبارہ آنے کی وجہ بھی بتائی۔

ملزم نے دکان دار کو کہا کہ ’تم نے کل میری فوٹیج میڈیا کو دیں، اس لیے آج پھر آیا ہوں‘۔

مزید پڑھیں: ایک ہی مارکیٹ میں لگاتار وارادتیں کرنے والا لٹیرا تاجروں کے لیے خوف کی علامت بن گیا (ویڈیوز)

واضح رہے کہ  اےآروائی نیوز نے ایک روز قبل دکان میں ڈکیتی کی سی سی ٹی وی فوٹیج نشر کی تھی، جس میں ملزم اسلحے کے زور پر کھلے عام دکان دار سے لوٹ مار کرنے میں مصروف تھا۔

سی سی ٹی وی فوٹیج سامنے آنے اور اے آر وائی پر نشر ہونے کے باوجود بھی پولیس ملزم کو گرفتار نہ کرسکی جس کی وجہ  سے ملزم نے آج پھر اُسی دکان میں آکر لوٹ مار مچائی۔ مسلح شخص یونیورسٹی روڈ پر ایک ہفتے کے دوران 7 وارداتیں کرچکا ہے۔

Comments

یہ بھی پڑھیں