آرمی چیف جنرل سید عاصم منیر نے کمانڈر سینٹ کام جنرل مائیکل ایرک کوریلا سے ملاقات کی ہے۔
تفصیلات کے مطابق آرمی چیف جنرل سید عاصم منیر کی دورہ امریکا کے دوران امریکی سینٹرل کمانڈ کے کمانڈر جنرل مائیکل ایرک کوریلا سے ملاقات ہوئی ہے۔
سینٹرل کمانڈ کے ہیڈ کوارٹرز ٹمپا بے، فلوریڈا کے دورے کے دوران ہونے والی اس ملاقات میں مشترکہ دل چسپی کے امور بالخصوص علاقائی سلامتی کے معاملات اور باہمی فوجی تعاون پر تبادلہ خیال کیا گیا۔
دونوں جانب سے مشترکہ تربیت کے امور پر بھی تبادلہ خیال کیا گیا، اور سینٹکام اور پاک فوج کے درمیان تربیتی تبادلوں کو بڑھانے پر اتفاق کیا گیا، آرمی چیف نے سینٹ کام جوائنٹ آپریشن سینٹر کا بھی دورہ کیا۔
Comments
- Advertisement -
