پیرس: امریکی ریاست کیلفورنیا کے سابق گورنر، باڈی بلڈر اور معروف اداکار آرنلڈ شوازینگر کو ماحولیاتی تحفظ کے لیے گراں قدر خدمات انجام دینے پر فرانسیسی اعزاز لیجن آف آنرز سے نوازا گیا۔
آرنلڈ شوازینگر گزشتہ کافی عرصہ سے تحفظ ماحولیات کے لیے متعدد مہمات کا حصہ رہے ہیں۔ وہ وقتاً فوقتاً ایسی ویڈیوز اور پیغامات بھی جاری کرتے رہتے ہیں جن میں وہ تحفظ زمین اور ماحول کی جانب راغب کرتے دکھائی دیتے ہیں۔
مزید پڑھیں: آرنلڈ شوازینگر کا ٹی وی رئیلٹی شو چھوڑنے کا اعلان
سنہ 2015 میں جب پیرس میں موسمیاتی تغیرات کی سالانہ کانفرنس میں تاریخ ساز معاہدہ طے کیا گیا اور متعدد ممالک کو پابند کیا گیا کہ وہ گلوبل وارمنگ کا سبب بننے والی خطرناک گیسوں کا اخراج کم کریں گے، تب اس معاہدے کی منظوری میں آرنلڈ کا بھی اہم حصہ تھا۔
اب ان کی ان خدمات کو مدنظر رکھتے ہوئے انہیں اعلیٰ فرانسیسی اعزاز لیجن آف آنرز سے نوازا گیا۔
یہ اعزاز سابق حکمران نپولین نے شروع کیا تھا اور یہ ان فرانسیسی و غیر ملکی شہریوں کو دیا جاتا ہے جنہوں نے فرانس کے لیے خدمات سر انجام دی ہوں۔
پیرس میں ایوان صدر میں ہونے والی تقریب میں فرانسیسی صدر فرانسو اولاندے نے آرنلڈ کو میڈل پہنایا۔
اس موقع پر آرنلڈ نے اپنے خطاب میں کہا کہ انسانی زندگی کی بقا کے لیے ماحولیات کا تحفظ ناگزیر ہے اور اس حوالے سے لوگوں کو زیادہ سے زیادہ آگاہی دی جانی چاہیئے۔
بعد ازاں اپنے سماجی رابطوں کی ویب سائٹ ٹوئٹر پر انہوں نے فرانسیسی صدر کا شکریہ ادا کرتے ہوئے انہیں تحفظ ماحولیات کا چیمپئن قرار دیا۔
Thank you, President @fhollande, for making me a Commander of the order of the Legion of Honor for my environmental work. pic.twitter.com/47xDciysUi
— Arnold (@Schwarzenegger) April 28, 2017
.@fhollande You are a champion for a clean energy future and your effort made COP21 a success. I look forward to working together on the follow through.
— Arnold (@Schwarzenegger) April 28, 2017
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
