کراچی : شہید صحافت ارشد شریف شہید کی پہلی برسی آج 23 اکتوبر بروز پیر عقیدت و احترام سے منائی جائے گی۔ اس موقع پر ملک کے مختلف شہروں میں دعائیہ تقریبات منعقد کی جائیں گی۔
اس سلسلے میں شہید کے ایصال ثواب کیلئے اے آر وائی نیوز کراچی آفس میں نماز ظہر تا عصر قرآن خوانی کا اہتمام کیا گیا ہے۔
پاکستان فیڈرل یونین آف جرنلسٹس (پی ایف یو جے) کے عہدیداران کا کہنا ہے کہ شہید ارشد شریف کے قاتلوں کی گرفتاری میں پاکستان اور کینیا کی حکومتیں ناکام ہوچکی ہیں۔
ہید صحافت ارشد شریف کی پہلی برسی 23 آکتوبر کو ARYنیوز ملک گیر سطح پر منارہی ہے
ARY کی انتظامیہ نے تمام بیورو اور اضلاع میں شہید کوخراج عقیدت پیش کرنے کے لئے ظہر سےعصر تک قرآن خونی اور خصوصی دعا کا اہتمام کیا ہے
آئیں شہید کے درجات کی بلندی کے لئے مل کر دعائیں کریں pic.twitter.com/stwBuzhd2i— Saeed Jahan Alias Lala Asad (@LalaAsadPathan) October 21, 2023
افضل بٹ نے کہا کہ شہید ارشد شریف کے قتل کی تحقیقات کیلئے اقوام متحدہ فیکٹ فائنڈنگ کمیشن تشکیل دے، ان کے قاتلوں تک پہنچنا پاکستان اور کینیا حکومت کی ذمہ داری ہے۔
پی ایف یو جے ارشد انصاری نے کہا کہ شہید ارشد شریف کے قاتلوں کاسراغ نہ لگانا پاکستان اور کینیا حکومتوں کی ناکامی ہے، شہید کی پہلی برسی کے موقع پر ملک بھرمیں دعائیہ تقریبات کاانعقاد کیا جائے گا۔
پاکستان فیڈرل یونین آف جرنلسٹس کا کہنا ہے کہ اجتماعات میں شہید ارشد شریف کے قاتلوں کی گرفتاری کا پر زور مطالبہ کریں گے،ان کے قاتلوں کی گرفتاری تک احتجاج کرتے رہیں گے۔
