تازہ ترین

حسن نواز اور حسین نواز تین بڑے مقدمات میں بری

اسلام آباد : احتساب عدالت نے سابق وزیرِاعظم میاں...

سوشل میڈیا پر مذہبی و لسانی منافرت پھیلانے والے 462 اکاؤنٹس بند

اسلام آباد : سوشل میڈیا پر مذہبی اور لسانی...

قوم دہشتگردی کے خاتمے تک پاک فوج کے شانہ بشانہ کھڑی ہے، وزیراعظم

اسلام آباد: وزیراعظم شہباز شریف کا کہنا ہے کہ...

نیا وزیر خزانہ مشکل وقت میں معیشت کو سنبھالےگا، اسدعمر

اسلام آباد : وزیر خزانہ اسد عمر کا کہنا ہےنیاوزیرخزانہ مشکل وقت میں معیشت کو سنبھالےگا، آئی ایم ایف پروگرام میں جارہےہیں آئندہ بجٹ پراثر پڑے گا، وزیراعظم آج رات یا کل کابینہ میں مزید تبدیلیوں کااعلان کرسکتےہیں‌ ۔

تفصیلات کے مطابق وزیر خزانہ اسد عمر نے وزارت چھوڑنے کے اعلان کے بعد پریس کانفرنس کرتے ہوئے کہا جوٹوئٹ کی تھی اسی سلسلےمیں پریس کانفرنس کررہا ہوں، وزیراعظم نے پہلے بھی کہا تھا جو پرفارمنس دےگا وہ رہےگا۔

اسد عمر کا کہنا تھا وزیراعظم کابینہ میں ردوبدل کرنے جارہے ہیں، وزیراعظم چاہتے تھے میں کابینہ کا قلمدان لوں لیکن میں نے وزیراعظم کوکہامیں کابینہ کاحصہ نہیں رہناچاہتا، وزیراعظم نےباربارکہاملک کی بہتری کیلئےآپ ہمارےساتھ کام کریں۔

وزیراعظم نے پہلے بھی کہا تھا جو پرفارمنس دےگا وہ رہےگا

انھوں نے کہا پاکستان تحریک انصاف کےساتھ اچھاسفرگزرا، پی ٹی آئی کےنوجوان ملک کی بہتری چاہتےہیں، سب نےبھرپورساتھ دیا سب کومشکورہوں۔

پی ٹی آئی رہنما کا کہنا تھا بہتری کی طر ف جارہےہیں اس میں کوئی شک نہیں، تھوڑامشکل وقت ہے،ہمیں کچھ مشکل فیصلےکرناہوں گے، سب سے درخواست ہے مشکل فیصلے کرنے والے کا ساتھ بھی دیں، جہاں پرمعیشت کھڑی تھی اس صورتحال سے نکلنے کیلئے مشکل فیصلے کیے۔

ضروری ہےوزارت خزانہ سےمتعلق فیصلہ جلدکیاجائے

انھوں نے کہا ضروری ہےوزارت خزانہ سےمتعلق فیصلہ جلدکیاجائے،یہ نہیں ہےکہ اس وقت معیشت کےحالات بہترہوگئےہیں، آئی ایم ایف پروگرام میں جارہےہیں آئندہ بجٹ پراثر پڑے گا، نیاوزیرخزانہ ایک مشکل معیشت کوسنبھالےگا۔

اسد عمر کا کہنا تھا سازشوں کاحصہ بننےنہیں آیاتھاجوکرتاہوں سب کےسامنےہے، نئے وزیر خزانہ سے کوئی امید نہ رکھیں کہ 3ماہ میں دودھ کی نہریں بہیں گی، پاکستان کے وزیر خزانہ پر 22 کروڑ عوام کی ذمہ داری ہوتی ہے۔

آئی ایم ایف سےجومعاہدہ کیابہترین شرائط سےکیاایساکوئی نہیں کر سکتا تھا

پی ٹی آئی رہنما نے کہا  آج بھی یقین رکھتاہوں نیاپاکستان بنےگااورعمران خان لیڈکریں گے، آئی ایم ایف سےجومعاہدہ کیابہترین شرائط سےکیاایساکوئی نہیں کر سکتا تھا، پاکستان تحریک انصاف کے7سالہ دورمیں بہت مشکلات دیکھیں۔

ان کا کہنا تھا  تحریک انصاف سےتعلق کرسی تک محدودنہیں تھا، انشااللہ عمران خان نیاپاکستان بنانےمیں کامیاب ہوں گے، پاکستان تحریک انصاف کو خیرباد نہیں کہہ رہا، وزیراعظم آج رات یاکل صبح تک جوتبدیلیاں کرناچاہتےہیں وہ ہوجائیں گی۔

وزارت چھوڑنےکاایمنسٹی اسکیم سےکوئی تعلق نہیں ہے

اسد عمر نے کہا کوئی نیاوزیرخزانہ بھی آئےگاتواس کووقت دیناپڑےگا، وزیراعظم بہتری کیلئےتبدیلیاں لارہےہیں ، معیشت کی بنیادی چیزوں کوٹھیک کرنےتک سب اچھانہیں ہوسکتا، معیشت کے 3 بنیادی جزہیں جن میں مسائل ہیں وہ حل طلب ہیں۔

پی ٹی آئی رہنما کا کہنا تھا وزارت چھوڑنےکاایمنسٹی اسکیم سےکوئی تعلق نہیں ہے، 8 ماہ میں جو کام کیا اس میں بہت سے چیزیں ٹھیک بھی کی ہیں۔

Comments

- Advertisement -