The news is by your side.

پاک بھارت ٹکراؤ، پلڑا کس کا بھاری؟

دبئی: ایشیا کرکٹ کپ کا ایک اور بڑا معرکہ آج دبئی کرکٹ اسٹیڈیم میں برپا ہوگا، جیت کے لیے بے قرار پاکستان اور بھارت کی ٹیمیں فائنل تک رسائی کا راستہ آسان بنانے کے لیے ٹکرائیں گی۔

تفصیلات کے مطابق پاکستان اور بھارت کے درمیان آج ایشیا کپ کے رواں ایونٹ میں دوسرا مقابلہ ہوگا، پہلے میچ کی شکست کے بعد شاہین بدلہ لینے کے لیے بے قرار ہیں، میچ پاکستانی وقت کے مطابق شام 7 بجے شروع ہوگا۔

2 میچوں میں کپتان بابر اعظم کا بلا نہ چلا، لیکن بھارت کے خلاف چل سکتا ہے، فخر زمان اور رضوان فارم میں آ گئے ہیں، اور نسیم بھی بڑا خطرہ ثابت ہو سکتے ہیں۔

شاہنواز دھانی ان فٹ ہونے کی وجہ سے میچ سے باہر ہو چکے ہیں، جب کہ بھارت کے خلاف میچ میں حسن علی کی واپسی ہوگی۔

شاہنواز دھانی کی انجری، میڈیکل ٹیم 72 گھنٹے تک معائنہ کرے گی

ہیڈ ٹو ہیڈ مقابلوں میں بھارت آگے ہے، ایشیا کپ میں دونوں ٹیمیں 15 بار ٹکرائیں، پانچ میچ پاکستان نے جیتے، 9 بار فتح نے بھارت کے قدم چومے۔

دبئی کرکٹ اسٹیڈیم میں پاکستان اور بھارت کا ریکارڈ برابر رہا ہے، 2 میچ کھیلے، دونوں نے ایک ایک بار کامیابی سمیٹی۔

مجموعی طور پر بھارت کا ایشیا کپ میں پاکستان پر پلڑا بھاری ہے، لیکن شاہین آج بھارت کو ہرا کر نئے ریکارڈ بنائیں گے۔

Comments

یہ بھی پڑھیں