پاکستان 15 سال کے طویل عرسے بعد کثیر القومی ایونٹ کی میزبانی کے لیے تیار ہے اور ایشیا کپ کا آج سے آغاز ہو رہا ہے۔
اے آر وائی نیوز کے مطابق ایشیا کا چیمپئن بننے کی جنگ کا آغاز آج ملتان سے ہوگا جہاں افتتاحی میچ میں میزبان پاکستان اور نیپال کی ٹیمیں مدمقابل ہوں گی۔ میچ کے لیے قومی اسکواڈ کا اعلان کر دیا گیا ہے۔ پاکستان نے آخری بار 2008 میں ایشیا کپ کی میزبانی کی تھی۔
ایشیا کپ میں شائقین کرکٹ کو سنسنی خیز مقابلے دیکھنے کو ملیں گے۔ کرکٹ کے میدانوں کا سب سے بڑا مقابلہ پاک بھارت ہفتہ 2 ستمبر کو کینڈی سری لنکا مین شیڈول ہے ساتھ ہی پاکستان اور افغانستان کے میچ کی سنسنی سے بھی شائقین کرکٹ محظوظ ہوں گے۔ بنگلا دیش اور سری لنکا کا ٹاکرا اور جیت پر ناگن ڈانس یہ سب ہوگا
ایشین چیمپئن بننے کیلیے ٹیموں نے کمر کس لی۔ ملتان میں پاکستان اور نیپال جم کر پریکٹس کی جب کہ افغانستان کی ٹیم نے بھی لاہور میں تیاریاں کیں جہاں وہ اتوار 3 ستمبر کو بنگلہ دیش اور منگل 5 ستمبر کو سری لنکا سے ٹکرائے گی۔
ایشیا کپ کے 13 میچ 4 مختلف وینیوز پر کھیلے جائیں گے۔ چار مقابلے پاکستان اور فائنل سمیت 9 مقابلے سری لنکا میں منعقد ہوں گے۔
ایشیا کپ میں میزبان پاکستان کے علاوہ بھارت، سری لنکا، بنگلہ دیش، نیپال اور افغانستان کی ٹیمیں شریک ہیں جن میں سے بھارت کے علاوہ تمام ٹیمیں پاکستان میں میچز کھیلیں گی۔
افتتاحی میچ پاکستانی وقت کے مطابق دوپہر ڈھائی بجے شروع ہوگا۔ میچ سے قبل رنگا رنگ افتتاحی تقریب منعقد ہوگی جس میں آئمہ بیگ اور نیپالی گلوکارہ اپنے فن کا مظاہرہ کریں گی۔
ایشیا کپ میں پاک بھارت ٹاکرے کے منتظر شائقین کیلیے بُری خبر
ایشیا کپ پر اے آر وائی نیوز کی اسپیشل ٹرانسمیشن آج سے روزانہ دوپہر 2 اور شام 5 بجے نشر کی جائے گی جس میں چیمپئن کپتان یونس خان کا بےلاگ تجزیہ، کامران اکمل کے مشورے ہوں گے۔ ساتھ ہوں گے نجیب الحسنین، شاہد ہاشمی اورشعیب جٹ بھی۔