قومی ٹیم کے سابق کپتان وسیم اکرم نے بھارت کے خلاف میچ میں کپتان بابر اعظم کی غلطی کی نشاندہی کردی۔
سابق فاسٹ بولر اور سوئنگ کے سلطان وسیم اکرم نے کہا کہ بابر اعظم کو محمد نواز سے 13واں یا 14واں اوور کروانا چاہیے تھا لیکن انہوں نے ان سے آخری اوور کروایا۔
انہوں نے کہا کہ آخری تین سے چار اوورز میں بولنگ کرنے والے ٹی 20 میں آپ کے پاس کوئی اسپنر نہیں ہوسکتا خاص طور پر اس وقت جب رویندرا جڈیجا اور ہاردک پانڈیا جیسے بیٹسمین سامنے ہوں۔
واضح رہے کہ اس سے قبل وسیم اکرم نے بھارتی براڈ کاسٹر پر برہمی کا اظہار کیا تھا۔
پاک بھارت ٹاکرے کے دوران بھارتی براڈ کاسٹر نے قومی ٹیم کی فہرست میں ڈیبیو کرنے والے فاسٹ بولر شاہنواز داہانی کی جگہ فاسٹ بولر حسن علی کو شامل کردیا تھا۔
قومی ٹیم کے بیٹنگ کوچ محمد یوسف پہلے ہی بتا چکے تھے کہ شاہنواز دہانی آج کا میچ کھیل رہے ہیں۔
وسیم اکرم کا کہنا تھا کہ ’یہ کوئی چھوٹی غلطی نہیں پاک بھارت میچ میں ایسی غلطیاں نہیں ہونی چاہئیں۔
