چین میں جاری ایشین گیمز کے مینز کرکٹ ایونٹ کے کوارٹر فائنل میں پاکستان نے ہانگ کانگ کو جیتنے کے لیے 161 رنز کا ہدف دیا ہے۔
اے آر وائی نیوز کے مطابق چین میں جاری ایشین گیمز کے مینز کرکٹ ایونٹ کا دوسرا کوارٹر فائنل پاکستان اور ہانگ کانگ کے درمیان کھیلا جا رہا ہے جس میں گرین شرٹس نے پہلے بیٹنگ کرتے ہوئے مقررہ 20 اوورز میں 160 رنز بنا کر آؤٹ ہوگئی یوں ہانگ کانگ کو جیت کے لیے 161 رنز کا ہدف دیا ہے۔
کرکٹ بے بی ہانگ کانگ نے ٹاس جیت کر پہلے فیلڈنگ کا فیصلہ کیا اور پاکستان کی ابتدائی وکٹیں جلد حاصل کرکے فیصلے کو درست ثابت کیا۔
گرین شرٹس کی ابتدائی تین وکٹیں صرف 24 کے مجموعے پر گر چکی تھیں جن میں مرزا بیگ بغیر کوئی رن بنائے، وکٹ کیپر بیٹر روحیل نذیر (13) اور حیدر علی صرف (4) رنز کے مہمان ثابت ہوئے۔
Pakistan have lost early wickets of Tahir Baig, Rohail Nazir and Haider Ali against Hong Kong in quarter-final of Asian Games
Pakistan: 24/3 after 4 overs
Follow live: https://t.co/gN0jjLEch4#AsianGames pic.twitter.com/t4FzkznHHN
— Cricket Pakistan (@cricketpakcompk) October 3, 2023
پاکستان کی جانب سے لوئر آرڈر میں قدرے بہتر کارکردگی کا مظاہرہ کیا گیا اور نویں نمبر پر بیٹنگ کرنے والے عامر جمال 41 رنز بنا کر ٹاپ اسکورر رہے۔ ان کے علاوہ آصف علی اور منہاس 25، 25 اور اوپنر عمیر یوسف 22 رنز بنا کر نمایاں رہے۔
ہانگ کانگ کے سب سے کامیاب بولر ایوش شکلا رہے جنہوں نے 49 رنز کے عوض چار کھلاڑیوں کو آؤٹ کیا جب کہ محمد غضنفر نے تین وکٹیں حاصل کیں۔
اس سے قبل بھارت نیپال کو پہلے کوارٹر فائنل میں شکست دے کر سیمی فائنل کے لیے کوالیفائی کر چکا ہے جب کہ دو مزید کوارٹر فائنل میچز کل افغانستان، سری لنکا اور ملائشیا، بنگلہ دیش کے درمیان کھیلے جائیں گے۔